蔡思貝

【鐵探】蔡思貝洗走高八度聲線演技獲讚 網民:耳仔唔使再受罪!

無綫重頭劇《鐵探》就嚟大結局,飾演Madam Man嘅惠英紅早前演繹喪子之痛一幕大獲好評,而飾演臥底蔡思貝得悉愛人死去後,喺海邊痛哭一場戲都獲網民讚演技有明顯嘅進步,而且一洗以往刺耳尖叫式嘅聲線,網民都說耳仔終於唔使再受罪!

 

撰文:東方新地|圖片:電視截圖、新傳媒圖片

蔡思貝演技獲讚賞

現年28歲嘅蔡思貝因2013年參選香港小姐獲亞軍而入行,未卸任已演出機會不斷,雖然劇接劇,但外界批評佢冇演技而且聲線浮誇又刺耳,加上喺電視台姣名遠播,令唔少人對佢冇咩好感!之不過呢啲都係以前嘅事,佢近年成功洗底,喺TVB新劇《鐵探》中中飾演臥底招喜悅嘅蔡思貝獲網民讚佢畀以前省鏡得多,仲話佢演技比以前進步!

第二集蔡思貝因為吸入過量毒品而身體抽搐,演出相當迫真,更獲唔少觀眾讚賞其演技!

第一集出場時為配合做古惑妹,著上小背心加超短熱褲嘅造型大獲觀眾好評!