鐵探

【鐵探.結局劇透】袁偉豪同Bingo再相遇!半癱黃智賢「起身」火拼營長

最新娛聞

廣告

惠英紅、姜皓文、袁偉豪、黃智賢和蔡思貝主演的無綫重頭劇《鐵探》終於去到大結局,睇到觀眾非常肉緊!今晚最後一集就會交代Madam Man如何被揭穿真面目,黑幫營長吳廷燁仲會冇好下場,只係最估佢唔到嘅係被半癱黃智賢所制服及拘捕,而袁偉豪更和Bingo姜皓文再相遇,有洋葱啊!

 

撰文:東方新地 圖片:新傳媒圖片、騰訊視頻截圖

《鐵探》大結局劇透

第29集講到尚垶(袁偉豪飾)將萬晞華(惠英紅飾)告上法庭,但因為Madam Man使出陰招阻止警員證人上庭,令他勝訴機會渺茫,快活谷(梁競徽飾)假意協助Madam Man上庭指證垶Sir,但上到庭卻為協助垶Sir指證Madam Man!

經律師提點,Madam Man於第二次上庭時,用兩名兒子邱Sir(洪永城飾)和Matt Sir(楊明飾)的死搏法官同情,最終尚垶被判敗訴,還換得「咎由自取」四字,面臨破產危機。

就在絕望之際,轉做巡警的泳莎(鄧佩儀飾)巧遇Bingo囡囡彤彤(黃學盈飾),泳莎見到彤彤用咗一部勁殘勁舊嘅手機,仲話爸爸Bingo(姜皓文飾)生前好珍惜,泳莎認定手機內藏重要線索,Bingo才珍而重之,果然內藏重要破案線索。

程Sir(黃智賢飾)憑線索找出及收買營長(吳廷燁飾)身邊人,但營長看穿更引程Sir(黃智賢飾)中伏,二人對峙期間營長向程Sir腳部開槍,但程Sir忍住痛同佢展開搏鬥!

程Sir雖然行動不便,但人殘志不殘,佢看準機會制服營長!

跟程Sir(黃智賢飾)埋身肉搏,冇錯,下身癱瘓的程Sir居然利用吊貨的天秤飛越半空更跟營長駁火,營長手臂中槍倒地,程Sir就冇事,好驚喜啫!

下半身癱瘓的程Sir居然同營長槍戰,唔止咁,及後仲發生大爆炸,程Sir攬住營長飛開冇事,睇嚟佢哋都成化身不死人!

程Sir升任助理處長,第一件事係對Madam Man展開內部調查,Madam Man被逼提早退休,她為了知道兩個兒子最後遺言去獄中找營長,營長話兩個仔死前一句說話也冇留低,仲話Madam Man最放唔低唔係兩個仔,而係佢親手害死兒子,營長話唔止佢一個終生監禁,Madam Man都一樣終生監禁,因為兩個兒子的死由她一手造成,一生受到自己的責備!

去到尾聲,蔡思貝陪時日無多的垶Sir去浩園睇墓地位置,原來新任處長批准垶Sir成為第一位非因公殉職而能埋葬浩園的警員。

最後畫面,Bingo着起警察制服向垶Sir行禮,二人在天國再相遇。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!