婚姻合伙人

《婚姻合伙人》4大必睇原因 緊接《鐵探》播出無壓力!

無綫重頭劇《鐵探》上星期五終於大結局,由於受「安心偷食」影響,令原先緊接播出嘅《堅離地愛堅離地》臨時抽起,最後決定改播《婚姻合伙人》。昨晚《婚姻合伙人》播出第一集,反應都唔錯,綜觀套劇有4個吸引觀眾收看原因,唔知你哋認唔認同呢?!

撰文:東方新地|圖片:劇照、Instagram、電視截圖

《婚姻合伙人》頂替《堅離地愛堅離地》

受「安心偷食」事件影響,有黃心穎演出嘅劇集統統被抽起,原先接《鐵探》棒嘅《堅離地愛堅離地》都唔例外,劇中男、女主角張振朗、龔嘉欣以及陳智燊、劉佩玥、丁子朗等都受牽連。最後無綫改播由楊明、高海寧主演的《婚姻合伙人》,同劇仲包括湯洛雯、陸永、黃德斌、黃淑儀等演員。