袁詠儀

袁詠儀認做小三傷害一位最重要人 含淚指當年天真累事!

袁詠儀(靚靚)與老公張智霖(ChiLam)一向係圈中模範夫妻之一,日前靚靚孖老公上內地綜藝節目《魯豫有約一日行》時,含淚坦言承認當年做小三,及後更醒覺最對唔住一個人!

撰文:東方新地|圖片:微博、影片截圖


袁詠儀認做小三

如果大家仲有印象,12年前嘅《志雲飯局》中,靚靚曾於節目中承認做過小三,愛上一個有婦之夫嘅富商。由於當時該富商對靚靚生活上嘅照顧無微不至及帶俾佢無限感動下,如「20歲生日給我送上20種不同的花」,故令年輕嘅靚靚「蒙住了我雙眼令我看不到他是有妻子的。」


當時嘅靚靚更坦言同對方係男女朋友嘅關係,所以唔明白點解會被外界稱為包養。

靚靚曾在《志雲飯局》中承認做過小三。(娛樂有點閒微博圖片)


含淚指當年天真累事

12年後,靚靚再於《魯豫有約一日行》談到當年該段情,不其然含淚:「我唯一後悔的我覺得是傷害到他,我想坦誠的是把我的人生的經驗說出來,我覺得就是傷害了他,唯一後悔的是這樣。你們可以繼續往我來,但是不要是他,不要是我愛的人。」



靚靚繼指:「當初就是天真嘛,我以為我說出來會讓一些人能夠更多的理解我了解我。我做錯了事情我願意承受,因為我覺得那個是騙不了人的,我以後也要告訴小朋友我做錯了甚麼事情。我真的是錯了就要承認,但是我沒想要出來就是傷害他。」

坦言自己當時冇諗過要傷害其他人,特別係老公張智霖。

另外,對於「小三」呢個標籤,靚靚經過多年後似乎亦已經睇透、唔再在乎大家點睇佢:「有些時候我覺得可能很自私,我的想法是我不在意你們怎麼想,我不可能做到每一個人都喜歡,那算了吧!最重要是他(張智霖)喜歡我就可以了。」