歐陽震華

歐陽震華以「祝枝山」玩穿越!客串《愛回家》群姐同對戲

處境劇《愛.回家之開心速遞》播出以來深受觀眾喜愛,劇中唔少角色都備受網民關注,好似「群姐」許思敏喺戲中出晒名鍾意「歐陽波比」(歐陽震華),但係只可以同Bobby仔嘅紙牌對戲,早前佢哋終於有機會喺劇外合體,為商場拍攝母親節特輯,不過就有唔少網民希望佢哋可以喺劇中「團圓」。結果網民集氣成功!終於如願咁將佢哋撮合,群姐唔使再對住紙牌做戲啦!歐陽震華以「祝枝山」角色玩穿越,登陸《愛.回家》再會群姐做對手戲!

 

撰文:東方新地 | 圖片:新傳媒圖片、微博劇照

歐陽震華穿越《愛.回家》

歐陽震華(Bobby)昨晚喺社交網晒出一張同《愛.回家》劇組嘅合照,相中見Bobby以經典劇集《金裝四大才子》「祝枝山」嘅造型現身,佢留言:「為何『祝枝山』會出現在《愛.回家》?謎底即將解開……..」相中所見,成枱都係薯條、煎釀三寶等做餸,認真搞笑!Bobby接受傳媒訪問時表示會在《愛.回家》客串兩集,劇中內容會有穿越情節,佢話知道劇中嘅群姐好鍾意佢,仲同佢嘅紙牌公仔,令佢想加入劇組演出玩下,佢向無綫高層曾勵珍講起呢個諗法,就促成今次嘅客串喇!