OG2

撞臉睇到人好累 #高級臉先係皇道‼

於美容界興起一鼓高級臉熱話,就連中國女演員倪妮於訪問上自嘲:「眼距開、鼻子塌、嘴巴大、下巴方,我有齊高級臉必有元素~」

撰文:Vanessa|圖片:網上圖片、Instagram


所謂高級臉,其實係同現時流行元素相反嘅樣貌,一般都係長得唔完美~一旦過於可愛,少女氣質過強,就會偏離高級感。


舒淇、莫文蔚與湯唯身上都有共通點,佢哋並非擁有一副人見人「抄」嘅「網紅臉」,輪廓硬朗且帶點男相,五官平庸,且輪廓寬大,但偏偏有種淡淡成熟韻味,被喻為擁有「高級臉」嘅最佳人辦。

呢類貼著高級感標籤嘅女星,其實仲有很多共通點,首先大多都是寬眼距,個樣睇上來好冷淡,距離太遠,但卻可令五官睇上來分散啲,於視覺上有股舒適感。


第二個特點輪廓
相比時下流行嘅尖面線條,佢哋輪廓更寬廣,顴弓寬,下頜角鮮明,所以給人感覺更偏離大眾審美觀,有獨特感,比一式一樣嘅臉容更有氣場更高級。

第三點嘴唇
有唔少超模嘅唇形多半唔完美,偏厚,甚至輕微外翻,呢點睇舒淇個靚嘴就明白~
最後一點,擁有高級臉嘅人,係完全可以駕馭任何顏色,任何花式嘅服飾都襯得非常好睇!隨意配搭都可以成為眾人焦點。


點先可以令自己睇上來更高級?
1) 表情盡量自然,唔好再扮可愛賣萌比V嘟嘴,亦唔好張開嘴唇影相啦,過於造作,一啲都唔高級~
2) 妝容保持乾淨,濃妝與煙熏風格如無必要就減少啲~另外肌膚維持水潤感好緊要~可以望落後生幾年~除咗多塗補濕品,有需要可以試試注射水光針幫幫手~(有人話過,用$5,000去買護膚品,倒不如打枝水光針效果來得更快更實際。)

3) 穿衣搭配盡量簡單,而家唔興著心口Show 大LOGO嘅衫啦~一個人嘅氣質,唔係話你著件名牌衫就展露到出來,選擇材質舒適嘅衣服,做自己最重要。
4) 身材管理,身材勻稱~ 唔係要你減到好似排骨咁,但要身型健康,如果連自己嘅身型體重都控制唔到,又點叫人點去欣賞你呢?