謝安琪

【公子會】謝安琪爆張繼聰追女仔方法!第一印象係「我有懷疑佢係gay!」

張繼聰同謝安琪不經不覺已結婚12年,二人育有一仔一女,不過佢哋人前人後都非常恩愛,經常喺各大社交平台放閃,網民更成日硬食閃光彈!Kay日前於森美和火火的主持的商台節目《公子會》分享佢同張繼聰嘅愛情,Kay唔止透露老公安排「精心」追求過程,仲分享當年對阿聰嘅第一印象曾以為對方是同性戀,係真唔係呀?即管聽聽佢點講!

撰文:東方新地 圖片:新傳媒圖片、ig 、Hong Kong Toolbar截圖

跟張繼聰話題100%「好夾」?

謝安琪在《公子會》回憶初次跟張繼聰見面時,每每講到任何話題,阿聰都話︰「我都好鍾意啊。」令佢覺得跟對方有共同話題感覺「好夾」,讀翻譯的Kay曾經接觸過經典電影《慾望號街車》,阿聰都演過這齣舞台劇,Kay話︰「嘩,同呢個人咁夾嘅,好似講咩都全部好夾咁。」咦!唔通二人天生一對到所有事都100%志趣相投?原來唔係!婚後張繼聰忽然食咗誠實豆沙包,同Kay剖白當年佢係事前先做過功課至約會!

Hong Kong Toolbar截圖

Hong Kong Toolbar截圖