蘇永康

回顧51歲蘇永康早年初出道相 曾經喺劇集扮過彭健新?!

即將喺紅磡開演唱會嘅蘇永康(阿公),唔經唔覺已入行34年,今次趁勢搵嚟佢初出道同早年嘅圖片同劇照畀大家欣賞,驚覺阿公咁多年都冇乜走樣!

撰文:東方新地|圖片:東方新地


回顧51歲蘇永康早年初出道相

|82年 奪新秀亞軍

82年未滿18歲仲讀緊中四嘅蘇永康參加《第四屆新秀歌唱大賽》,憑廣東話版〈Careless Whisper〉奪得亞軍,賽後簽約華星加入樂壇。

蘇永康 蘇永康


|86年 新秀出合輯

蘇永康由簽約到離開,華星都冇替佢出個人專輯,只係喺86年聯合同屆三位新秀得獎者右起:「最佳舞台獎 」莫鎮賢、冠軍杜德偉、季軍林楚麒合力灌錄一張雜錦碟《群星新秀新節奏》。


|87年 首演古裝劇

蘇永康86年起參演無綫劇集,但多演三、四線角色,87年聯同左起:黃日華、胡渭康、陶大宇、詹秉熙、劉青雲合演遠赴內蒙拍攝嘅《成吉思汗》,演黃日華 (札木合) 嘅三弟三察。

|89年 出碟攞兩獎

89年蘇永康轉投時代唱片公 司推出首張個人專輯《失眠》,碟內嘅〈失眠〉、〈原諒我嗎〉同〈擁抱吧〉都大受歌迷歡迎,並連奪叱咤樂壇頒獎典禮「叱咤新力軍男歌手銀獎」、同十大中文金曲「新人獎銅獎」,吐氣揚眉。


|92年 演皇庭走紅

92年蘇永康事業迎嚟新轉機,喺經典劇集《壹號皇庭》 演老實木獨卻勁有女人緣嘅律師周志輝,佢首〈假使有日能忘記〉仲被選為劇集插曲日播夜播,令阿公開始走紅,92-97 年共演出五輯《壹號皇庭》。

|93年 扮溫拿阿健

93年無綫劇集《少年五虎》搵嚟 左起:鍾漢良、朱健鈞、鄭敬基、魏駿傑、蘇永康演繹少年版溫拿五虎, 一睇阿公揸電結他演嘅彭一健,就知佢扮緊彭健新。



|94年 合唱大爆紅

蘇永康94年1月同彭家麗合唱嘅〈從不喜歡孤單一個〉,全城大熱唱到街知巷聞成經典合唱歌曲,更贏得十大勁歌金曲頒獎典禮「最受歡迎男女合唱歌曲(金獎)」,同新城勁爆頒獎禮「勁爆合唱歌曲」獎。


|94年 進軍大銀幕

〈從不喜歡孤單一個〉令蘇永康人氣急升,並首度參演電影 《殺手的童話》,片中演辣手神探李子雄嘅下屬,一同追捕劉德華演嘅殺手,惜爛片一套反應麻麻。

|98年 裸身拍封套

蘇永康因其貌不揚,九成九嘅唱片封套唔係側面就係耷低頭或blur濛或背光,98年國語大碟《解說書》阿公對眼雖然冇直視大家, 但大頭正面示人兼裸上半身,顯然大有進步, 係自信嘅表現。


|02年 劇集首擔正

02年蘇永康喺無綫劇集《騎呢大狀》首次擔正男主角,演著名狀師陳夢吉個孫陳大喜, 講述佢由一個生性散漫 嘅公子哥兒,成長為一 代著名狀師嘅故事。

|10年 組Big Four

2010年蘇永康同許志安、張衞健、梁漢文組成Big Four,出唱片做主持開演唱會,大受歡迎。