景黛音

【退休女皇】神隱32年為鮮肉出山!57歲景黛音密謀同囡囡拍真人騷

57歲美魔女景黛音,是80年代無綫當紅小花, 拍過經典劇《上海灘》、《鹿鼎記》,25歲卻嫁人退出做幸福少奶奶,對娛圈毫不留 戀,神隱32年近日卻復出為ViuTV拍劇集《退休女皇》,五年來不 停被邀出山都不為所動,連娘家都冇面 ,今次肯打爛齋砵,絕 對唔係睇錢份上反而係因為有機會拍到小鮮肉,原來近年瘋狂迷 上韓團SHINee成員李泰民的她,竟然是為想同李泰民合作而答應 復出,認真估佢唔到!雖然最終因為對方檔期問題,主角由泰民變成《全民造星》姜濤,韓鮮肉變港鮮肉,景黛音都照單全收,據 悉,ViuTV有意食住個勢,再用韓仔利誘景黛音孖埋18歲女兒母 女檔拍真人騷,美魔媽加埋長腿索女兒,都咪話唔吸引!

 


撰文:東方新地 圖片:新傳媒圖片、微博

57歲景黛音神隱32年 為鮮肉出山

近期ViuTV著力再拍自家劇,搵來唔少昔日TVB猛將如鄧萃雯、 陳錦鴻、鄭少秋、陶大宇、陳秀雯及廖啟智等演出搶fo,就連神隱32 年幾乎與世隔絕的景黛音亦成功邀請出山。曾是無綫七仙女之一的景 黛音,與劉嘉玲及曾華倩被公認為古代三美人,又因主持《歡樂今 宵》,與戚美珍、廖安麗被封為歡樂三小花,在不少劇集擔演重 角,不過婚後嚮往平淡的她,即使娘家及好友邀請復出都冇面畀。

演唱會之父老公錫晒
多年來深居簡 出的景黛音,五年前因 玩微博受關注,不過嗰時 身形較有肉地,仲被指要靠 美圖瘦身,但日前同老公楊 健恩出動去街市買餸,57歲 的她零妝就皮膚白滑, 身形亦fit咗,名副其 實美魔女!


瘋狂迷韓仔
退隱32年肯為 ViuTV 復出拍劇,原來全因想 韓團偶像 SHINee 成員李泰民合作,雖然最終因 撞正對方開演唱會檔期合作不成, Flora (景黛 音)亦因 ViuTV 夠誠意答應出山,而近年瘋狂迷 上泰民的她,個人社交網就不時有小鮮肉偶像 蹤影。

唔見圈中朋友

據知情者透露:「Flora(景黛音)25歲就結婚退出,對呢個圈完全 唔留戀,佢好享受簡單自由嘅生活,性格好我行我素,婚後同圈中班 朋友完全冇聯絡,就算當年歡樂三小花成員戚美珍同廖安麗,約佢出 嚟敍舊,Flora都冇出席,佢話一切在心中就得,佢咁做係因為想過平 靜生活,唔想再同呢個圈有任何聯繫,點知喺五年前,佢一直好欣賞 嘅鄭秀文活躍微博,為追蹤對方消息,自己又跟住玩,不停自拍po相 上社交網,就因為佢嘅凍齡美顏令佢受盡關注,好多人搵佢復出,不 過Flora全部都推晒!」


送女返ViuTV
18歲女兒似足媽咪擁有一雙長 腿,正在 ViuTV 工作的她,日前 由爸爸揸車載返工,據知 ViuTV 更落力拉攏景黛音孖女兒母女檔 拍真人騷。


 

送完囡囡返工,廿四孝爸 爸楊健恩揸車離開。

 

迷上泰民

講明志不在錢又冇戲癮,在57歲高齡先答應復出,原來全因想拍 小鮮肉。據知情者透露:「Flora前年瘋狂迷上韓團成員泰民,咁啱金 廣誠(ViuTV製作部副總裁)打畀佢,話有個為佢度身訂做嘅好劇 本,想Flora做一個媽咪角色,Flora貪口爽話,如果金總搵到泰民做佢 個仔就接,點知金總真係一口答應,ViuTV方面用盡辦法搵人聯絡泰 民經理人,Flora見對方咁有誠意,自己亦透過老公人脈幫手聯絡,最 後透過韓星Rain經理人幫手搭路,不過最終因為泰民要做日本演唱 會,檔期問題無緣合作!」


楊健恩唔想老婆騰來騰去辛勞,自己行去對面超市買雞蛋。


同老公分頭上糧,景黛音在街市凍肉檔買雞等老公,期間不停同老公WhatsApp 聯絡。

 

想拍真人騷

雖然拍唔到韓團偶像,不過景黛音已被ViuTV誠意打動答應出山,更參 與揀蟀從《全民造星》十多人中揀中人氣小鮮肉姜濤合作,劇中同姜B做母 子,景黛音坦言揀對方是因為覺得他性格沉靜似足自己女兒,原來得靚媽遺 傳,18歲女兒亦似足靚媽皮膚白滑,連ViuTV亦打她主意。除咗邀她幕前演 出,近期更在ViuTV做P.A(助導),據知情人說:「Flora同個女一樣迷韓 仔,除咗鍾意泰民,亦好鍾意睇嗰啲韓式真人騷,睇得多,佢都好有興趣想 拍吓真人騷,覺得做嘢之餘又可以旅遊吃喝玩樂,對佢好有新鮮感,ViuTV 梗唔想走寶,依家傾緊Flora母女檔上陣, Flora都話會考慮,原來囡囡仲喺 ViuTV返工學做製作,如果成事,都幾有睇頭,話晒佢個女未現過真身,無 論佢母女似定唔似,都好有talking point!」


稱職師奶

婚後做全職家庭主婦的景黛音,買豬肉揀 得非常仔細,確係稱職師奶。


免老婆操勞
會合老婆後,兩公婆行去街市另一邊買 菜,楊健恩除咗負責畀錢,仲全程拖住 手拉車,唔使老婆操勞,相當細心!

低調搬家

25歲就嫁演唱會之父楊健恩,32年婚姻同景黛音樣貌一樣保鮮,一直得 老公痛錫的她,除咗得老公支持復出,五年前因為被追訪令寓所曝光,楊健 恩知老婆低調更索性搬屋,由住開的加多利山寓所搬到大埔 三門仔。日前,兩公婆孖住出巡去大埔街市買餸,復出拍劇 的景黛音素顏皮膚仍然白滑,剪短頭髮睇落更清爽,完全唔 似已經57歲,最重要係嫁到個好老公,已經做埋老婆女兒司 機的楊健恩,對景黛音就全程服侍周到,為咗唔想老婆騰來 騰去辛苦,吩咐老婆在街市等他,自己就一個人去對面超市 買雞蛋,之後才會合行去街市另一邊買菜,全程幫手攞嘢又 負責拉手拉車,不用老婆操勞,他對女兒一樣緊張照顧,連 日來中午,楊健恩都會做司機接載女兒去九龍灣ViuTV返 工,母女檔真係有機喎!


拍鮮肉有火花
復出拍劇的景黛音,親自面試揀仔,最 後揀咗《全民造星》人氣王姜濤合作,兩 人在劇中有唔少火花。


拍唔成韓團偶像李泰民,景黛音跟《全民造星》小鮮肉姜濤合作做母子,日前兩人一齊出 席宣傳活動,小鮮肉姜濤對住凍齡魔女表現體貼!

 


除咗係愛妻號,楊健恩亦是廿四孝好爸爸,幾乎每天都會揸車載女兒去九展ViuTV 返工,日前送完女兒,楊健恩一個人去咗剪髮。

景黛音同女兒相處如同姊妹,除咗一齊迷韓星,之前本刊就曾 拍到她們母女裝孖咇行街。

 

八年無綫小花

景黛音是無綫第八期訓練班成員,79年出道,86年嫁人引退,在圈中僅八年時間,由 於古裝扮相嬌俏令人印象深刻,演出過經典劇《上海灘》做許文強太太,在《鹿鼎記》做 刁蠻甜美建寧公主,是韋小寶七個老婆之一。