張利華

魏駿傑重慶嫩妻進化變洋妞!31歲張利華五官唔同晒

早年北上搵食的魏駿傑,曾講過最大得著之一是娶到細他廿年 的重慶嫩妻張利華,結婚11年,51 歲魏駿傑卻失修發福變中佬,而嫩妻依然芳華正茂,唔止四年前曾被影到與前港隊單車手鄧宏業親密約會,魏太近年把老公與女兒都置之不理,化身無腳彩雀周圍飛去旅行。然而對比結婚初期,張利華近年五官唔同晒,樣貌身材突變keep住戰鬥格,囡囡Jesscia 究竟仲認唔認得自己媽咪?

撰文:東方新地 圖片:新傳媒圖片、微博

魏駿傑嫩妻張利華富貴遊唔黐家

家有相差廿載不安於室嫩妻,雖多次盛傳婚姻亮紅燈,但他拒 絕接受事實。四年前老婆張利華被影到與前港隊單車手鄧宏業在街上表現親密,有指二人暗交 一段時間,而當時張利華已拋下夫女,甚少返家。為留住張利華,魏駿傑用1,600萬買入西貢 獨立屋,為妻女打造一個五星級的家,兩年前他在西貢與友人合資搞泰國餐廳,兩公婆更公開 上演大龍鳳,魏駿傑仲話自從獨立屋加了老婆名,對方態度唔同晒:「老婆有嚟餐廳幫手,大 家都成長咗,華華(張利華)變好咗好多,佢嘅改變好大。不論對我嘅語氣,同對呢頭家嘅投入 感。」事實上,張利華也曾修心養性了一段小日子,不過很快又再故態復萌。張利華近年把老公與女兒都置之不理,化身無腳彩雀周圍飛,她不時 在社交網晒外遊歎世界的照片,生活多姿多采如單身。本刊記者連日只見魏駿傑與外傭姐姐同心協力照顧 8 歲的 Jessica ,張利華完全 絕跡西貢愛巢,可憐魏駿傑變成帶女洪郎,留港做湊仔公望妻歸。