OG2

愛靚唔愛命?注射肉毒後遺症你知幾多?

貪靚係女人嘅天性,比手掌還要嘅V臉、緊緻肌膚加上零皺紋,絕對係每位女士夢寐求嘅最佳妝容。唔少女星如小S、陳淑蘭,以至荷里活明星如妮歌潔曼、Jennifer Aniston都坦承曾打肉毒桿菌去維持美貌,雖然係佢哋臉上睇上來,注射肉毒桿菌似乎成效不錯,但其實進行呢類醫學美容注射,始終都有一定風險,當中有機會出現嘅後遺症你又知幾多?

撰文:CM Team|圖片:網上圖片


近年肉毒桿菌注射於醫學美容上被廣泛應用,能夠瘦臉、去皺、瘦腿,甚至止汗,靠阻截肌肉收縮,減少動態皺紋產生。


肉毒桿菌注射過程快,而且傷口小,復原期短,但有人形容肉毒應用在醫學美容上,其實係「最甜蜜的毒」。

打上癮

每次注射後,肉毒桿菌功效可維持大約6至9個月,要維持長效美貌,需要定期注射,先可以保持皮膚光滑,導致產生一種唔打唔得嘅心癮,唔單止將注射週期愈縮愈短,甚至愈打愈多部位,幾乎所有出現皺紋都唔能夠接受,要靠肉毒桿菌去調整。


過敏徵狀
肉毒桿菌其實是一種毒性很強嘅桿菌,部分人會於注射後對難以適應,出現過敏反應。因此於注射前,需要經過非常嚴格嘅皮膚測試。

眼乾或眼瞼下垂

於眼周皺紋位置注射肉毒桿菌之後,會有較大機會減少眨眼嘅動作,影響到淚水分泌,如果有乾眼症問題,應該於打肉毒桿菌前同醫生作詳細商討,減少施打劑量,於手術後勤用人工淚液,外出仲要戴上遮風、遮陽嘅眼鏡。若果肉毒桿菌不幸滲透至眼瞼,有機會造成眼瞼下垂,甚至造成表情僵硬不對稱。


劑量愈來愈重

如果定期注射,身體會慢慢產生抗體,令美顏功效愈來愈短,所以需要漸漸增加注射次數同加重劑量,但分分鐘因為咁而產生副作用。

其實注射肉毒桿菌,短期效果會好明顯,但若果長期注射,難免會出現不良影響,都係果句,以上內容只作參考,做任何療程都要搵專業可靠,甚至有認證執照的治療師或醫生問清楚喔。另外,進行美容注射時,都要了解多d安全及風險呀。