呂慧儀

蟹籽恩准行埋 呂慧儀張景淳戀情浮面

36歲長腳蟹呂慧儀,今年三月宣布同前夫黃文廸早於上年已經離婚,被本刊率先踢爆有《愛.回家之開心速遞》劇中CP張景淳大獻殷勤,兩人拍劇一早過電,有新歡呵護備至,失婚的她不用孤單落寞,事隔四個月,近日兩人拍拖睇戲兼返女方香閨斷正,戀情開始浮面。38歲張景淳能夠冧掂長腳女神,全靠愛屋及烏,經常陪呂慧儀湊仔,氹掂女方囝囝蟹籽恩准融入破裂「三口之家」補位,日前兩人又被本刊拍得甜蜜拍拖去旺角買熱狗,雖然繼續避忌前後腳上落車,不過,講明乜都以「老闆」(蟹籽暱稱)行先的呂慧儀,男友細心行徑一早已過囝囝一關,公開第二春係遲早嘅事!

撰文:東方新地 圖片:新傳媒圖片、IG