NM_FB_rolex daytona 拷貝 10

【書展2019】一年一度暑假奇才盡出! 書展10大經典騎呢事

每年暑假,除咗係學生們嘅開心假期,亦係唔少商品推出同大型活動嘅日子,目標梗係假期間嘅大量人流。當中,每年於會展舉行嘅「書展」及「動漫電玩節」,都係唔少朋友嘅「年度重點活動」之一。不過雖然名為「書展」,內裡卻有不少包著「賣書」的糖衣活動,更有唔少奇人異事發生。以下嘅10大書展經典騎呢事,你又記得最記得邊一件呢?

撰文:海月丨圖片:instagram、香港網絡大典、網民改圖、新傳媒


【書展2019】作者各出奇謀!盡數書展騎呢事

香港書展其實由1990年開始舉辦,本來活動旨在推廣香港人閱讀文化,同時讓出版商大展拳腳。不過近10年來,書展亦成為唔少女藝人及模特兒出版寫真嘅場地,唔少網民視之為「每年焦點」。大量女星寫真「入侵」後,網民以至社會各界開始重新定義「書籍」一詞。加上後來討論區、社交網絡興起,越來越多人將自己作品於網上連載,而部分備受好評嘅作品獲出版商青睞,成功令網絡作品走入市場,令網民搖身一變成有實體著作嘅「網絡作家」。到底𡃁模速銷寫真、FANS為買心頭好可以有幾盡?一齊睇睇!

 

《一》 怪風襲傅穎露阿婆底


2008年時傅穎時尚未北上發展,外表只由ver 1.0「短髮少女Look」變成ver 2.0嘅「大眼仔濃妝」,當年更於書展推出首本個人寫真。點知喺會展門口宣傳時,一陣怪風令現場變得「春光無限」。原來,靚女原來都會著「阿婆底褲」嘅。
書展2019 書展2019


 

《二》 「零」FANS簽名會

喺2007年書展,曾經同李克勤合唱《合久必婚》嘅歌手「陳逸璇」(原名:陳苑淇)出咗本寵物新書《牠們不是名牌》。當然亦有喺書展舉行簽名會,不過當簽名會正式開始後,等完再等、等完再等都係無乜FANS過去。反觀其他簽名攤位都擠滿人,結果佢亦成為歷屆書展簽名人數最低紀錄保持者。
書展2019

書展2019


 

《三》 男人出寫真老闆掃晒

以為出「寫真」只係女明星專利?非也。其實喺2013年時周秀娜3位師弟「鴨王」何浩文(Dominic)、顧又銘及趙勁皓(King),都各自推出8,000本、合共24,000本嘅爆肌寫真。不過最估唔到嘅係,啲寫真喺書展推出前1晚,就被被1名自稱「劉先生」嘅男士豪花230萬全面收購。最後令3位猛男到首日書展現場宣傳時,手上連一本寫真書都冇本,只可以SHOW下自己肌肉,佢哋更公開答謝「劉先生」大力支持。


 

《四》 書展史上最「紅」宣傳

同樣2013年時,當時𡃁模孫旗(Keiko)推出個人寫真,不過寫真人人都識性感,真係無乜特別。最特別嘅係佢為咗喺宣傳時引發大家注意,竟然使出渾身解數──凸點、漏M!要數書展騎呢事,佢真係走唔甩!當時身穿白色背心、喱士熱褲,至今大家一講起,雖然未必記得個名,不過一定仲記得佢做過咩!可見當年係幾咁爆!(見紅相就真係不了)

書展2019

《五》 周麗淇疑似搵人代筆

那些年,為咗對抗一眾𡃁模寫真,唔少明星都紛紛出書,實行人人變「才女」!不過有真材實料嘅出書當然好,不過其實唔少明星所出嘅,多係「字少圖多」嘅插圖集。好似Niki周麗淇2006年時推出《 Child Woman手冊》,更搵嚟好友傅佩嘉畫插圖。雖然Niki稱所有文章內容都係自己所寫,不過有網友發現字裏行間,流露着傅佩嘉嘅筆迹,結果俾人笑足1年,翌年Niki再推出散文集《細味心事》,寫個人日本東北遊記,希望力證自己嘅文采。



 

《六》 錯別字天后Stephy

Stephy鄧麗欣喺2009年書展推出首本愛情小說《陪著我走》。點知33頁嘅書入面,竟然有多達109個錯處,包括多個錯別字如「踐踏」寫成「淺踏」、「矇矓」寫成「矇濃」等,睇到人眼都凸!事後Stephy解釋因為自己用普通話拼音輸入法以致揀錯字,難怪成為當年書展中一大笑話。


《七》 雪糕女王周秀娜

Chrissie周秀娜可謂香港模特兒出寫 真集嘅「先驅」,當年Chrissie更獲封為「寫 真女王」,人氣一時無兩!初期走超性感風格嘅Chrissie,2009年為咗宣傳寫真,博命出「峰」頭!喺炎熱天氣下大派雪糕益街坊,更親自餵食冧FANS,吸引大批男FANS支持!而寫真亦非常噴血有睇頭,入面大玩刷牙、滴牙膏落胸兼滴雪糕,意識大膽!不過家陣佢都向演員之路進發啦,而演技亦令人眼前一亮!


 

《八》 AD2當眾同阿伯玩遊戲

前模特兒組合「AD2」由吳婕妤(Aily)及艾美琦(Amy),喺2013年推出首本寫真集,當年佢哋更著上熱褲小背心現身灣仔天橋宣傳。以為仲當眾互咀兼互摸對方經已夠騎呢?點知之後佢哋仲捉咗個阿伯送吻兼自拍,咁騎呢幾驚阿伯頂唔順!


《九》 醉愛周秀娜鄭先生

2010年時周秀娜喺書展推出寫真,一名鄭姓男子到場購買周秀娜寫真集,並接受傳媒訪問。網民認為他外表、行為有如「毒男」而熱烈討論,更將對方起底。

 

《十》 眼睛斜視食雪糕

頭先提到周秀娜喺2009年時推出寫真,更於會展金紫荊廣場派雪糕慰勞支持者。其中一名FANS「肥堡」因獲請食雪糕,非常興奮之剩更喺鏡頭前狂盯周秀娜胸部,一望成名。之後佢亦多次參加周秀娜嘅宣傳活動,每次嘅相片都被網民改圖。