NM_FB_rolex daytona 拷貝 10

出街食飯唔想睇TVB?手動轉台網民有妙法!一個搖控轉盡天下電視

TVB為香港人帶來娛樂,不過生活節奏急促、工時又長,所以不少新一代都實行「無飯生活」外出用膳。現時香港亦有不少餐廳為了讓客人用餐時有所娛樂,都會在餐廳安裝電視播放。不過近來網民就對餐廳所播節目有所不滿,紛紛表示想「轉台」,到底又有無辦法呢?

撰文:海月丨圖片:深水埗電子特賣城、Facebook


TVB被網民批「洗腦」!利用「高科技」產品轉台

最近民間地區引發出一連串光復行動,例如抓因為水貨客過盛的「光復屯門」等,有網民認為有如成為「官媒」的TVB,所作出的新聞報道立場偏頗,對家中長輩及不少市民是種「荼毒」。但偏偏不少酒樓、茶餐廳,以及公營機構,都是長期播放無綫的83 無綫新聞台或81翡翠台,因此不少網民密謀利用「高科技」產品「幫手」轉為 31 港台電視或 99 ViuTV,減少長輩大眾被「洗腦」。
TVB


對於網民發起「轉台行動」,以廉價知名的「深水埗電子特賣城」就有Facebook專頁中發文,以超抵價9蚊出售「神奇 1200 合 1 無敵萬能電視遙控」,更特意提醒「唔好去茶餐廳轉人哋台,但可以返去幫屋企人轉台」。使用方法亦相當簡單,只要先對準電視,再緊按遙控的 + 掣,直至電視畫面有反應即能配對成功。

怕成個電視遙控拎出街好大舊?亦有網友表示可以自身手機,配上紅外線發射器及轉台APP,一樣能成功「幫手」轉台。此外,亦有網民表示所用的「LG」手機已具備「萬用轉台」功能,笑言「經常幫屋企人轉台」。網民亦紛紛留言「有冇啲轉完一次台,就可以鎖台嘅遙控器?」、「我期待嘅畫面終於出現!」、「我要做轉台師!」、「喂呀~~~我有好多電視要轉呀!」、「記住播緊廣告先好轉,無咁明顯」。



不過其實餐廳只播放新聞台非店鋪主意,原來不少食肆及店舖都會開電視「搞旺場」吸客。不過在2011年時,由唱片業界組成的「香港音像版權有限公司」,針對免費電視頻道在廣告及節目內播放的歌曲,向店舖徵收播放牌照費。此舉小本經營的店舖大呻難捱,更決定「惟有閂電視唔畀人睇」。有商鋪東主表示「好多人去茶餐廳,都係為咗邊食邊睇電視,無電視睇寧願買外賣返屋企食」。最後,一眾商鋪現時都只「敢」播新聞台,以免被收版權費。