文頌嫻

43歲文頌嫻凍齡湊女 16歲亞視出道「巔峰期」靚相曝光

正妹
圈中唔少美魔女生完B一樣keep到樣 靚身材正,不過要數無敵童顏,文頌嫻(文女)絕對是廿年如一日。結婚七年有個7歲囡囡的她,個樣從來冇變過,食咗防腐劑一樣。文頌嫻婚後息影多年,雖然曾有傳商人老公李梓慎財困被追數貼大字報,但她繼續唔使做過少奶奶生活⋯⋯

撰文:東方新地 圖片:新傳媒圖片、IG

文頌嫻凍齡湊女

七年前文頌嫻(文女)奉女成婚,與商人男友李梓慎豪花過百萬在中環四季酒店舉行婚 宴,同年8月女兒Jamie出世,文女即退出娛圈全職做少奶奶,婚後一家三口不時公開晒幸 福,直至三年前李梓慎被疑似債主在其何文田寓所附近貼大字報,不過文女否認被追債,表 示老公可能畀人整蠱。去年趁住放暑假,文頌嫻與「七魔女」眾姊妹齊齊陪仔女 大玩特玩,拉隊去完台灣親子遊,返到香 港一樣節目多多,成班魔二代柴娃娃去睇 戲。文頌嫻凍齡有方素顏自信示人,過多 幾年同個女拍埋應該似足兩姊妹。

文頌嫻與 周家蔚一齊帶仔 女去尖沙咀睇戲,兩位媽咪都素顏示人,keep得咁好又使乜驚喎?
文頌嫻與 周家蔚一齊帶仔 女去尖沙咀睇戲,兩位媽咪都素顏示人,keep得咁好又使乜驚喎?

文頌嫻16歲出道受亞視力捧「顛峰期」靚樣曝光

文頌嫻於1993年加入亞洲電,外形嬌小樣子甜美古裝時裝皆宜,演首部電視劇《中國教父2再起風雲》開始演藝事業,1995年出演成龍主演電影《霹靂火》,曾獲「1998年亞視十大最受歡迎女藝員」獎項。

2000 年轉簽無綫曾經獲重用, 2012年結婚生女一take過,從此息影。

當年廿幾歲的她與現在43歲相差不大,被指食咗防腐劑:

43歲文頌嫻凍齡湊女 16歲亞視出道「顛峰期」靚相曝光

老公搵錢老婆享福

雖然商人老公李梓慎背景神秘,但文女婚後過住幸福少奶奶生活,每日湊女返學放學上 興趣班,閒時約好姊妹阿佘、湯盈盈、周家蔚及Toby梁靖琪聚會開P,搵奶粉錢養家就由 老公李梓慎一力承擔。知情者透露:「文女呢七年嚟都專注打理屋企,照顧好老公同個 女,得閒同『七魔女』班姊妹周圍玩不知幾開心,每次小朋友放長假,佢就特別忙,要安排 好多活動畀班魔二代,等佢哋可以放電,早前一放暑假已經幾個家庭一齊飛咗去台灣玩咗成 個星期,返到香港一樣繼續玩,有時湯盈盈同周家蔚唔得閒,文女都會出手幫佢哋湊埋仔 女。」早前文女與湯盈盈、鍾麗淇及周家蔚就約埋帶仔女去睇戲,十幾人拉大隊真係好熱 鬧,之後仲一齊去醫肚,每次出街都成隊軍隊咁。

在最近深夜重播的十八年前無綫劇集《烈火雄心 II 》,當年25歲的文頌嫻個樣好青澀,劇中她是歐錦棠師母,二人有感情線。

與佘詩曼、周家蔚、湯盈盈等組成娛圈「七魔女」

文女與佘詩曼、周家蔚、湯盈盈、梁靖琪、姚樂怡及鍾麗淇多年來情同姊妹,所以組成 「七魔女」,凡有喜慶活動都見成班女聚埋一齊。上月文女生日,「七魔女」又開P慶祝,壽星女素顏現身,43歲的她依然皮膚滑溜,細細粒嬌小身形亦keep住多年,與早前翻播的 《烈火II》中的文女完全冇分別,有老公錫唔使做會否是凍齡的秘訣?

43歲文頌嫻凍齡湊女 16歲亞視出道「顛峰期」靚相曝光

當日帶小朋友 睇完戲,文頌嫻 一馬當先走出戲 院,白色恤衫內隱約 看到綠色tube top,性感人母 出場。

43歲文頌嫻凍齡湊女 16歲亞視出道「顛峰期」靚相曝光

幾位阿太帶仔女睇戲,卻只有文頌嫻有 老公李梓慎做司機親自前來接送,就連 湯盈盈兩個寶貝女都擠埋上車離開。

43歲文頌嫻凍齡湊女 16歲亞視出道「顛峰期」靚相曝光

「七魔女」拉大隊去睇 戲,因為睇卡通片,所以冇仔女的佘詩曼同Toby梁靖琪都唔見影,而鍾麗淇就拖住細 女出現,睇完戲仲轉場去醫肚,湯盈盈將兩個女交畀文頌嫻,她就與周家蔚三母子同車。

43歲文頌嫻凍齡湊女 16歲亞視出道「顛峰期」靚相曝光

鍾麗淇、周家蔚、姚樂怡、梁靖 琪、佘詩曼、文頌嫻與湯盈盈七位姊妹私下勁老友,保養得宜人 稱「七魔女」,文頌嫻曾說:「呢班姊妹就是乜都傾,唔會計較、有義氣,互相扶持才會到今日。」

文頌嫻
當年奉女成婚的文頌嫻,與老公李梓慎人前人後都表現恩愛,雖然老公曾被指有財困,但一家生活依然無憂。

 

 

暑假玩唔停

魔二代個個精力充沛,魔女阿媽當然要安排好整個暑假的節目,實行大人細路一齊放 暑假。

43歲文頌嫻凍齡湊女 16歲亞視出道「顛峰期」靚相曝光

上月湯盈盈、姚樂怡、周家蔚與文頌嫻四家人 到台灣旅行,大人細路都玩得非常盡興,此行更為湯盈盈慶祝其44歲生日。

43歲文頌嫻凍齡湊女 16歲亞視出道「顛峰期」靚相曝光

文頌嫻上月 43 歲生日,獲一 班好姊妹與她慶生,場面溫 馨,文頌嫻高興留言:「姊 妹陣容夠強大,作為母親最 偉大,拜託別再問我有多 大,生日大晒!」

43歲文頌嫻凍齡湊女 16歲亞視出道「顛峰期」靚相曝光

外遊完返到香港一 樣要為班仔女安排 一連串節目,其中 包括親子興趣 班,實行寓學習於 娛樂!