a_1147A_aunt_P6_7

蔡少芬意外懷孕46歲高齡生老三 老公張晉直擊全程

育有兩個女嘅蔡少芬(Ada)今年意外懷孕第三度做媽媽,日前宣布誕下8磅2 大隻仔張樂兒,終於為老公張晉成功追仔,湊成五口幸福大家庭。

撰文、圖片:東方新地


46歲蔡少芬封肚老公張晉直擊全程

46歲高齡產婦蔡少芬一早講明生完老三就正式封肚,為隆重其事,張晉特別 將老婆生產過程全直擊,更剪接成一段6分鐘影片放上網,同大家開心share!張晉留言寫道:「又一次見證母親對孩子偉大的愛。」而片中嘅Ada全程素顏示人,入到醫院第一件事就係去洗頭沖涼,Ada笑言:「我要沖涼啦,一個月後先有得沖涼,好淒涼。」沖完涼後即換上手術袍standby,並獲老公貼心為佢吹頭。

蔡少芬表示因 突然宮縮,囝囝要提 早出世,一直陪伴在側嘅 張晉有感而發話:「真的很 辛苦,真是佩服。男人不 要跟女人爭,爸爸偉大還 是媽媽偉大,肯定是 媽媽偉大。」
蔡少芬表示因突然宮縮,囝囝要提早出世,一直陪伴在側嘅張晉有感而發話:「真的很 辛苦,真是佩服。男人不要跟女人爭,爸爸偉大還是媽媽偉大,肯定是媽媽偉大。」

張晉好緊張全程直擊,又有入產房剪臍帶。

塊面爆晒瘡,Ada叮囑老公要P走啲粒粒至出街。

入產房前,Ada走去洗頭沖涼,張晉體貼為老婆吹頭。

唔使半粒鐘成功追仔Ada生完勁好中氣

準備入產房,Ada對鏡頭大叫:「最後一胎啦,唔會再生。」身旁嘅張晉坦 言:「我有啲緊張,陣間會唔會我暈低,姑娘要救我。」之後張晉亦有陪伴入產房剪臍帶。唔使半粒鐘順利誕下囝囝,見Ada依然好精神,仲好好中氣向老公大 呻:「生完啦,生到塊面爆瘡,之前冇㗎!個肚平咗啦,佢成8磅幾呀。」之後鏡 頭一轉,就見到兩個女楚兒及信兒爭住抱抱錫錫細佬,兩公婆對囝囝亦愛不釋手,小樂兒受盡萬千寵愛好幸福呢!

Ada話三個夠晒數,決定封肚。

終於為老公張晉成功追仔,細仔取名張樂兒。

護士一抱B仔入房,兩位姐姐即衝上前爭住又錫又抱。

張晉外,好友陳法蓉亦有入院陪產,片中見到陳法蓉興奮大叫:「生BB,生BB。」