feat_1153_Karena

26歲吳千語聞「林峯結婚」即收起笑容 堅拒恭喜前度!否認蜜運中

吳千語和林峯當年愛得高調,可惜女方的拜金港女性格,最終令這段感情未能修成正果。那邊廂林峯同林太張馨月愛得火熱,這邊廂吳千語也不甘後人,被傳和富三代翻撻,不過當事人就否認,仲表示拒絕恭喜前度,表現唔夠大方喎!

撰文、圖片:東方新地


吳千語聞「林峯結婚」即收起笑容 堅拒恭喜前度否認蜜運中

賀歲電影家有囍事2020》日前舉行煞科宴,監製黃百鳴聯同一眾演員Chilam張智霖張繼聰周秀娜陳靜譚耀文陳庭欣張彥博等等出席,而剛升呢為人夫嘅林峯舊愛吳千語亦有到場,不過千語就堅拒恭賀對方,更左閃右避話唔想將焦點放喺自己身上!

監製黃百鳴聯同一眾演員張智霖、張繼聰、 周秀娜、陳靜、譚耀文、栢天男等,總動員 出席煞科宴。
監製黃百鳴聯同一眾演員張智霖、張繼聰、 周秀娜、陳靜、譚耀文、栢天男等,總動員 出席煞科宴。

恭喜都冇一句 「之前回應大家可以搵返」

對於前度林峯結婚,吳千語堅拒恭喜,並立即收起笑容回應:「又問?答過啦!唔想將呢件事嘅焦點放喺自己身上。(恭喜都冇一句?)答過啦!佢宣布結婚前已經講過,大家可以搵番。(冇喎,幾時答過?)有呀!(點解連恭喜一句都唔講?)講咗之後會放大好多,答過啦!」

至於有指佢去年10月同富三代施伯雄翻撻,問佢係咪蜜運中?千語未有正面承認:


「依家身邊好多關心同錫我嘅人,未去到下 一個階段都唔會講。」

幾經在場記者追問,吳千語仍封口拒絕講句恭喜,只謂現時生活愉快,未有正面承認同富三代施伯雄翻撻。

當年二人愛得高調,拍拖5年最終還是分手收場。

家有囍事2020》煞科宴 Chilam豪爽加碼抽獎

當晚煞科宴有現金抽獎環節,Chilam竟幸運地抽中大利是一封,不過佢未有獨吞,最後更加碼連埋封大利是拎出嚟畀大家再抽過,認真豪爽!其後Chilam孖張繼聰做訪問時,豪氣表示銀紙事小,最緊要大家開心!而張繼聰亦都話希望電影帶到歡樂畀觀眾:「當中一場我用英文打小人,背都背咗兩日,好大壓力,但就好開心,大家睇playback都會笑,可以帶正能量畀大家係開心事。」

張智霖直言對電影票房冇壓力,與張繼聰、周秀娜等人合作得好開心!

周秀娜透露拍攝過程好過癮:「拍呢部戲好好玩,演員各有特色,當中有好多演員仲係由細睇到大,好有親切感。」

Chilam幸運地抽中大利是一封,卻有獎唔要再私下加碼拎出嚟畀大家再抽過,認真大方!