feat_other_garden

嘉頓什餅瘋狂改圖集!4大令人又愛又恨新年禮盒

農曆新年又到,為拜年送禮煩惱?送來送去都是餅盒、蛋卷、鮑魚麵。近日,就有連登網民討論不同新年禮盒,記者歸納了以下四款令人又愛又恨的「經典」新年禮盒!其中,首位當數嘉頓什餅,網民愛什餅甚至發揮創意瘋狂改圖嘉頓什餅,十分盞鬼!

撰文:食花生的民眾 |圖片:新傳媒資料室、網上圖片|編輯:乖乖l(原文刊於新假期


1.食極都仲有! 嘉頓什餅

嘉頓什餅的討論度最高,更出現了「嘉頓什餅又要黎害人」、「有無嘉頓什餅愛好者?」等討論。網友直指年年都收到嘉頓什餅,份量太大如耶穌神蹟「五餅二魚」,食極都仲有,似足無底深潭。但另一邊廂,亦有網友支持送什餅,表示口痕、肚餓都會食幾塊。

循例都要介紹返,「家庭什餅」淨重1,340克,有成公斤重!內有8大款經典餅乾,含4包保鮮裝,用上大家都好熟悉的經典紅色包裝。

今年仲有星級限量版包裝!

每逢臨近新年都一定見到嘅景觀,唔知今年又有幾多朋友收到呢?

連編輯都收到!

官網有認證 嘉頓餅乾曾為「抗日勞軍餅」

曾有網民以搞笑心態指:「我諗香港打仗一定有個兵種負責孭住個餅罐打游擊!」,原來這不是笑話,是真有其事!根據嘉頓官網資料,嘉頓創立於1926年,在1937年遇上抗日戰爭爆發,嘉頓工人曾連續7天廿四小時不眠不休地生產「抗日勞軍餅」,數量有成9萬公斤!翌年工場繼續為香港政府製造「防空洞餅乾」和「軍用餅乾」,真係做過軍糧!

根據嘉頓官網的重要事紀1930’s部分,嘉頓餅乾的確曾被用作軍糧。

當打仗軍糧果然真有其事! (來源:連登討論區)

不得不佩服網民創意!

係愛定恨?嘉頓什餅變萬能Key

網友為向什餅送愛你,更瘋狂改圖,key什餅罐到名畫如「五餅二魚」、「吶喊」中, 似乎大家「口裏說不,身體卻很誠實」,講就話集氣希望唔好再收到嘉頓什餅,但似乎都有一些嘉頓什餅的愛好者。睇完以下「傑作」真係不得不佩服網民的創意!

真係名副其實的五餅二魚 (來源:連登討論區)

「食啦細路,食極都有唔使擔心唔夠食架。」

(來源:連登討論區)

多幅名畫都曾出現嘉頓什餅!

離遠見到就要「吶喊」,考下大家眼力,搵出盒什餅來! (來源:連登討論區)



發揮小宇宙,將什餅K.O.吧!(來源:連登討論區)

東方三博士送上金莎、藍罐、嘉頓贈慶!(來源:連登討論區)

另一版本就唔同啲,總之點都有嘉頓什餅啦!

大家用咗幾多時間搵到?

貼心準備埋長輩圖版本!

不過,亦有嘉頓什餅fans 留言指個鑵又靚又夠深,食完可放好多嘢。不但可以當新年賀禮,更是生日禮物首選。

嘉頓什餅都有fans 嘅!(來源:連登討論區)

(來源:連登討論區)

2.「借花敬佛」首選 丹麥藍罐曲奇

除了嘉頓什餅,藍罐曲奇也上榜。有網友指會直接轉送給其他人,但隔年送禮未有注意可食用日期,送了過期藍罐俾朋友,更被問到是否買錯,記者睇字都覺得好尷尬。


如果大家想留來轉贈他人,就記得睇清楚食用日期喇!(來源:連登討論區)

3.狂撞款! 金莎朱古力

另一經典送禮之選,金莎朱古力也榜上有名。金莎包裝高雅,原產地是意大利,但價格親民,是市民送朱古力的首選,但可能大家送禮都不加心思,送上最安全的選擇「金莎朱古力」,令網友們食到厭!


 

4.壽桃牌鮑魚麵 新年不是必食但必送

送禮不但只有甜食、餅類,也有些麵類禮盒。講到麵類禮盒,最典型一定是壽桃牌鮑魚麵,不過大家似乎不太受落。

(來源:連登討論區)

集體回憶 失去才會想念

無論如何,這些都算得上是香港人的「集體回憶」,所以大家才對這堆「經典禮盒」又愛又恨!雖然不想常常收到,但吃不到又「周身唔聚財」!就如有網友就指近年都收Lindor、瑞士糖,反而沒有吃到藍罐、金莎,表示十分想念! 雖然口裡說不想收到經典賀年禮盒,但到吃不到時又有種說不出聲的想念,似乎大家都有種情意結在。

(來源:連登討論區)