feat_1154_hong

36歲洪永城被爆自加摸啜戲 不甘被唱反咬朱晨麗

近日三套劇排住上的洪永城,成為無綫最當旺藝人,不 過當紮唔代表有品,有指他近期就囂張在電視城橫行,拍劇不時向女拍檔自加親熱戲,已有唔少花旦中招。以為橫行無忌冇人知,但上得山多終遇虎,早前拍《多功能老婆》,洪永城就遇上勇字行頭的朱晨麗,日前朱朱忍唔住委屈大爆遭他自加摸啜戲,更曾向監製陳寶華求助!

撰文、圖片:東方新地


洪永城擅加摸啜戲 朱晨麗嚇到唔識俾反應

娛樂圈抽水事件屢見不鮮,日前關智斌就大爆拍劇遭女主角突然舌吻,嚇得他要用牙將對方條脷頂番出去,網民紛紛為Kenny不值齊齊聲討緝查真兇,而近期同樣被拍檔自加咀戲,飽受委屈的還有當紅花旦朱晨麗。劇集《多功能老婆》已經圓滿落幕,楊千嬅、周柏豪更在台慶頒獎禮,攞埋最受歡迎電視男、女角色,不過劇集餘 波更令人關注!

▼ 在 《多功能老婆》同朱 晨麗演恩愛夫妻的洪 永城,對住上圍34D的 朱朱,多次情不自禁 向劇中老婆自加摸啜 戲,事件爆出後,洪 永城回應事件冇誠意 道歉,更不停自圓其 說:「希望佢日後講嘢 小心啲!如果有冒犯 令佢唔舒服,我唔好 意思!我都係專業演 員,有啲場口我想生 動啲同得意啲啫!」
在《多功能老婆》同朱 晨麗演恩愛夫妻的洪 永城,對住上圍34D的朱朱,多次情不自禁 向劇中老婆自加摸啜戲,事件爆出後,洪永城回應事件冇誠意道歉,更不停自圓其說:「希望佢日後講嘢小心啲!如果有冒犯令佢唔舒服,我唔好意思!我都係專業演員,有啲場口我想生動啲同得意啲啫!」

被指近來「阿哥」 上身的洪永城,被爆 拍《多功能老婆》自加摸 啜戲後,據知不停背後狂唱朱晨麗大口,早前孖 「受害人」朱晨麗宣傳時,在劇中的默契不再,仲明顯面左左。

在《萬千星輝頒獎典禮》上,洪永城跟朱晨麗全程零交流。完騷一刻,洪永城即黐實黃翠如密密傾,朱晨麗則同閨密楊千嬅及陳煒開心自拍!


早前,朱晨麗委屈爆出拍劇期間被拍檔洪永城擅加摸啜戲,令她唔識反應。因為同洪永城在劇中扮演恩愛夫妻,當中 兩人有唔少親密場口,朱晨麗受訪時就不吐不快表示:「我同佢有好多親密動作,不過寶華姐(劇集總監製)劇本寫得好好,係點到即 止,唔多亦唔少,不過佢(洪永城)就自己加咗好多摸我、錫我嘅戲,有一次仲突然錫落嚟,我唔知點反應,如果唔係錄影緊,我一 定推開佢!有時我表現好enjoy,其實個心諗緊你摸完未?」

首次演出活潑巴辣人妻思蕾入型入格的朱晨麗,演出被網民激讚。

原來她還好有專業精神,即使被洪永城多次突襲加親熱戲,都繼續完成拍攝。

據知監製陳寶華創作拿捏準繩,每個場口都描敍仔細,朱晨麗跟洪永城的親熱場口更是點到即止,未想到洪永城會自加親熱戲,車廂咀戲寶華姐更要預先下伸脷禁令!

洪永城唔認錯不甘被唱反咬朱晨麗

其實入行八年的朱晨麗,拍劇出名夠博唔錫身,幾乎每套劇都有咀戲,當中男對手有馬國明、吳卓羲、袁偉豪及譚俊彥等,不過拍攝時個個皆屬正人君子,朱晨麗亦多次大讚同拍檔合作愉快,今次罕有爆出洪永城加咀戲事件,明顯真係唔想有人「冇王管」!據知 情者透露:「Tony(洪永城)恃住喺劇做朱朱(朱晨麗)老公,成日表現得好肉緊,係咁加親熱戲,好似捽手臂,掃背脊,試過朱朱拍完同佢講,話好似做多咗喎!Tony反應好大,話自己好有feel,想拍得逼真啲,真係大石砸死蟹,其實拍親熱戲,朱朱唔係未試過,每次都會同對手溝通清楚,唔會有唔舒服嘅感覺,冇諗過Tony會咁大膽,因為發生咗太多次,朱朱先會忍無可忍,最弊係之前試戲嗰 陣, Tony都冇加咁多嘢,但每次一roll機正式拍, 佢就猴擒嚟料,係人都會覺得唔對路啦!」原來拍到後期,兩人一場車廂咀戲,朱晨麗更緊張到向寶華姐求助。據知情者 透露:「因為兩個要喺車入面錫,朱朱驚Tony會突然情不自禁伸脷,拍之前,搵寶華姐拉埋Tony三個人當面講清楚,寶華姐下令唔准Tony拍嘅時候伸脷,佢先唔敢亂嚟!」


面對洪永城扮老公過分投入,朱晨麗為後期劇中一場車廂咀戲,就曾向總監製陳寶華求助。

據知寶華姐一度下禁令,講明要洪永城拍這場濕吻戲唔准伸脷,不過睇番場戲,洪永城仍然咀得非常肉緊,搞到朱朱嘴都歪埋!

何廣沛早前出席新劇記者會,對於緋聞女友朱晨麗被洪永城自加咀戲,就揚言拍親熱戲同女拍檔溝通好重要,更不滿話:「佢 (洪永城)可能急咗少少所以錫咗落去!」