bonus_308543815a6863d148fcc

老闆一句串爆打工仔!年尾分花紅老馮架?

農曆新年就到,唔少人都等拎年尾花紅出去玩、買 D新野,新年有新野好意頭丫嘛。之不過,強國有間企業嘅員工就冇咁好彩喇。當大家都計劃緊點洗果1 萬蚊人仔,過肥年嘅時候,老闆黎個語出驚人,再殺大家個措手不及!

圖文:潮文社|編輯:東方新地


話說,年頭老闆同班員工講努力到年底,就能獲得一筆豐厚的年終花紅,聲稱至少都有 1 萬蚊人仔的花紅,甚至有機會去到 2-3 萬人仔。由於該企業公司屬於服務類型,所以老闆提出左唔少嚴苛條件,包括令客戶滿意度達 「95%」 以上、將班舊客維持到,仲要搵 10個新客返黎。受到優厚年終鼓舞,個個都訓身做,將班客當曬親人咁,24小時 On Call 不在話下啦,總之就癲!但呢班員工竟然將所有驚人目標「達陣」。

在員工無怨言的打拼中,公司發展迅速,並獲得舊客一致認可,又準備開始擴張,招攬新兵,擴充到 20 幾人


原以為獎金已經手到拿來,誰不知,發獎金前一日公司開會,老闆言出驚人:公司業績唔錯,年頭承諾的年終花紅一蚊都唔會少比大家。(掌聲)

但佢接住講多句:「但公司快速發展需要大量資金,今年就先分每人 1 千 (人仔),剩底就出年分 5 次派發。


員工大家聽到要發獎金很興奮,但聽到得「分5期」?!紛紛向老闆訴苦:「需要錢回家過年啊!」但老闆卻突然翻轉豬肚:「我並唔係徵求你們嘅意見,亦唔係比你們討論,呢個係公司決定,不願意做可以走,公司不強求!」

12 位老臣子私底下討論之後,決定連果 1 千蚊人仔都唔要,集體跳槽仲將關係好的客戶帶到新東家,正所謂「東家唔打打西家」姐,好有骨氣!狠狠教訓呢種背信棄義的人。老闆見班客被挖走,激到要入廠,仲求班老臣子返公司,承諾加人工仲即刻發放年終花紅,都一一被拒絕。


膠通消息來源:微博