dark-6-_1103453475a86ce9833b08

10種過年「斷六親」嘅職業 新年無假放都做得咁開心工種係…

過年有邊個唔想放假、一家人齊齊整整過佳節,不過有好多人過年都仲要返工,我哋一齊睇下以下10種過年「斷六親」嘅職業,有冇一種係你或你屋企人做緊嘅職業?一齊為佢地加加油!

圖文:潮文社|編輯:東方新地


01|醫護界

醫護工作向來都好重要,過年有咩唔好彩無咗佢哋真係唔知點算!今個庚子鼠年,呢個行業尤其受到關注,因為「武漢肺炎」疫情威脅之下,醫護面臨2003沙士以來最嚴重的壓力,加上政府把關無方,業界甚至罕有地醞釀罷工⋯⋯

有傳瑪麗醫護集體請「病假」,因為不滿隔離病房防疫差⋯⋯
有傳瑪麗醫護集體請「病假」,因為不滿隔離病房防疫差⋯⋯

02|飲食業

過年要返工嘅工種,第一個諗起一定係飲食業,由年三十晚團年飯起,忙忙忙到年初一二三,都無得抖,除非係家庭式餐廳,否則真係不愧為「斷六親」⋯⋯


03|戲院業

過年最多人做嘅活動,一定係去睇戲,中西賀歲片套套都想破票房紀錄,做戲院賣飛同帶位嘅,同飲食業一樣咁忙,又係一個斷六親嘅行業!

04|新聞業

正所謂日日都有新聞,報紙日日都會出街,而家網絡年代仲要無時無刻都要做新聞、高官又喜歡凌晨開記招,真係年中無休,邊有分過年唔過年呀。

武漢肺炎疫情愈嚟愈嚴重,有線新聞記者連同攝影師依然堅持親赴險地,在「封城」情況下深入武漢市,只係想為大家呈現第一手而最真實嘅疫情資訊

05|捐血站

大年初一,各間捐血站都會休息。而年初二起至年初四,西九龍捐血站開09:30-18:00,旺角、沙田、元朗捐血站就開11:00-19:00;銅鑼灣、觀塘、荃灣捐血站就開11:00 – 20:00;中區捐血站就休息。捐血站嘅職員幫大家抽完血,夜晚應該仲可以陪屋企人。

2020年損血站開放時間表

06|酒店旅遊業

農曆新年絕對係外遊高峰,呢個時間領隊導遊都求才若渴,不過工作也特別艱辛,因為呢段時間嘅旅客亦都係最難服侍、好多家庭客好日唔出埠,呢段時間全家外遊特別多要求,業界中人表示,真係要好有passion先頂得順!


07|消防員

消防都係為咗保護市民安全,新年都一樣要返工,唔止火燭,仲有困𨋢或者交通事故(你都知新年有幾多假日司機四出亂闖)都要隨時候命,更應該要致敬!

08|公共交通

各位司機大佬,過年都要照常開工,唔係你地邊有車搭呢?除了的士、小巴同埋渡輪,當中尤其以巴士司機特別受人敬重:

九巴司機真係充滿正能量!

09|外賣仔

自從網上外賣愈來愈流行之後,「外賣仔」業界幾幾何級數攀升,當中仲有好多係外藉電單車手,新春期間如果叫外賣,不妨畀多少少貼士吧!

「外賣仔」業界已經不限於茶餐廳⋯⋯

10|看更

看更過年要開工,不過睇佢地由朝到晚都四萬咁口,就知道應該賺唔少,分分鐘係過年開工最開心嘅一種職業。

經過超過半年的社會衝突,網民見識了不少盡心維護屋苑安全的專業保安,諗返起當時的表現,巴打表示:「如果我住果幢樓~我肯定封金牛利是比佢呀!」記得唔好走數呀!

但另一方面,又的確係有好多屋苑護衛員偷懶成性,只在農曆年期間才「突然醒神」⋯⋯

網友再補充:「其實過年要開工嘅行業點止10個! 」

  • IT狗表示年中無休 榜都冇得上
  • 毒撚做又有咩所謂呢
  • 大部份輪班工作都係咁,唔使食咩!
  • 唔啱做咪轉工囉,唔通你會打死一份工做成世唔轉工咩,結咗婚都可以離婚啦,更何況係一份工?真係要講句:少年,你太年輕了!
  • 點止斷六親咁簡單 食無定時影響健康
  • 岩岩收工咋 冇雙工乜都冇
  • 咁都無機場!機場都係全年無休架喎
  • 入境事務處呢

關鍵詞
新年職業