feat_1155_chu3

朱晨麗大讚何廣沛一百分好男仔 惜Timing唔啱未有發展

17年合拍《超時空男臣》被傳撻著的朱晨麗和何廣沛,多次約會斷正但依然死口唔認拍拖,只以好朋友相稱,但就比公開情侶更高調晒愛,其實外界都這對情侶都一直表示支持,但對於戀情,朱朱覺得現在仍是事業拼搏期,愛情還是先放一邊,期待朱朱公開戀情的一天!

撰文:東方新地 圖片:東方新地、劉松仁FB


當朱晨麗遇上一百分的何廣沛

拍劇經常遇貴人,更令朱朱遇上一段疑幻似真的愛情,她亦承認同緋聞男友何廣沛確實有火花,只因 Timing 問題未能進一步發展:「作為朋友佢係一百 分,你知我係離鄉別井,好多時真係需要身邊朋友幫手,我又冇請助手,咁佢真係好幫得我手,好似我要借衫冇時間去攞,佢咁啱經開嗰頭,攞完自己嘢,佢會幫我攞埋送嚟我屋企,佢係好難得嘅一個好男仔,而且佢好孝順,一得閒就會陪屋企人食飯,思想亦好成熟!」在 朱朱眼中幾近完美的何廣沛,對她又時刻呵護備至,唔知鼠年兩人會唔會時機到呢!

32 歲朱晨麗坦言唔心急拍拖,現階段要把握機 會努力工作。她不諱言:「女藝人演出始終受 年齡限制,希望把握時間做好工作先!」
32 歲朱晨麗坦言唔心急拍拖,現階段要把握機會努力工作。她不諱言:「女藝人演出始終受年齡限制,希望把握時間做好工作先!」

同何廣沛戀情疑幻似真, 兩人早前翹實在《萬千星輝 頒獎典禮》行紅地氈。

拍《超時空男臣》一吻定情,兩人合拍表現亦深受觀眾喜愛。

兩人再合拍《大醬園》,劇中更有沖涼場面。

曾被記者撞破 何廣沛摸上朱朱香閨短聚

堅持唔肯認愛,但原來兩人戀情早已升溫,何廣沛早就入埋朱朱屋做半個男主人,經常到朱晨麗的將軍澳寓所短聚。據知情者透露:「 朱朱屋企人喺晒內地,媽咪只係間中先會嚟香港探佢,一個人住有時好悶,所以一有時間,佢就會叫 Matthew 上佢屋企陪佢,有時 Matthew 會買埋外賣,間中兩個又會一齊整吓嘢食,喺屋企過二人世界不知幾 Sweet!」早前被本刊斷正,獨自駕車到女友的將軍澳 Parkside 寓所,鬼祟上樓同朱晨麗短聚兩小時,盡興後獨自駕車離開。

戀情傳足三年,早前何廣沛就被本刊斷正,獨自駕駛其Audi座駕摸上朱晨麗屋企,上樓同女友短聚兩小時先離開。

愛情不強求 最掛心家中父母、長輩

離鄉別井隻身來港發展,朱晨麗一個人生活最掛念就是家中父母、公公和婆婆。愛女心切的朱媽媽,在她入行初期 不時來港陪伴,令朱朱更不想媽媽操心:「媽媽好擔心我健康,見我夜返會喺梳化度瞓等我到凌晨三、四點,依家佢唔想我擔心會先扮瞓,但其實根本冇瞓著,一路聽住開門聲,等我返到屋企先安心。」


隻身來港發展的朱晨麗,一有時間便返蘇州探父母,拍劇受傷亦選擇報喜不報憂。

慳家的朱晨麗,坦言自小已習慣儲蓄,怕突然有需要應急,自己都有錢傍身。

朱朱更透露在松哥(劉松仁)身上學會用行動對媽咪表達愛意:「一次我睇八卦新聞,見到松哥拖住媽咪行街,佢係好孝順去邊度都拖到實嗰種,呢樣嘢啟 發到我,因為自己離鄉別井,好多時冇咁多機會同屋企人見面,或者Close啲嘅動作,譬如摸吓媽咪,錫吓媽咪咁,同屋企人係一世嘅,無論關係點,爹哋媽咪都係辛苦嘅,有機會就摸一摸,錫一錫畀佢哋知道你嘅愛意,依家我同媽咪行街,自己都會拖住佢行。」

劉媽媽於2016年底去世,松哥曾罕有在臉書發文悼念媽媽。