feat_1156_whitney

31歲「E.T.眼」許亦妮臨盆在即 負評好姊妹蔡思貝裝假狗陪影孕照

現改名許芷熒嘅許亦9月臨盆在即,好姊妹蔡思貝又湊熱鬧,扮大肚陪許亦妮影孕照,真巨肚頂假巨肚,非常搞笑!

撰文:東方新地 圖片:東方新地、許亦妮Facebook


E.T眼許亦妮入行後是非不斷 同蔡思貝成負評好姊妹

許亦妮貴為2011年香港小姐季軍及最上鏡小姐,其靚樣及激凸身材成功令人留下深刻印象,亦有唔少機會演出或者做主持,可惜入行後是非不斷,如見親記者例牌黑面、網上發表惹火言論等,仲有片場扮大牌,以致星運平平。近年愛上玩社交媒體,大show事業線和白滑長腿,不過P圖經常落得太重手,被網民嘲似「外星人」。

許亦妮本身有對大眼,平日都好鍾意戴「大眼仔」同化濃妝,加上佢重手P圖,所以啲相靚得嚟都唔太自然!
許亦妮本身有對大眼,平日都好鍾意戴「大眼仔」同化濃妝,加上佢重手P圖,所以啲相靚得嚟都唔太自然!

35D上圍真係唔講得笑,着件普通tee再挺直個身已經可以有咁波濤洶湧的效。

驚大家唔記得佢原本係咩樣,送返張選美時嘅相俾大家回憶下先。

另一邊廂,原來佢同蔡思貝雖然唔係同屆港姐出身,但二人因為無綫劇《潮流教主》中合作而變成好姊妹,而該劇集出街後網民呻蔡思貝的高分貝聲線轟炸,許亦妮戲份唔多,但由於負面形象太深入民心,所以一樣被插爆!加上蔡思貝近年被封「電視城姣精」負評不斷,二人成了負評好姊妹。

Whitney同蔡思貝在現實中堅係好老友,所以兩位好姊妹當年嘅觀眾緣一樣咁差!

許亦妮臨盆在即 蔡思貝裝假狗陪影孕照

雖然蔡思貝未結婚,但仍樂於裝假狗陪閨密紀錄懷孕重要時刻,兩人著起同款白Tee紅裙仔大肚衫似足孖公仔,期間蔡思貝唔小心跌咗個假肚出嚟,場面爆笑!許亦妮將相片放上IG開心share,並留言:「不能一同懷孕,陪著我扮大肚也好,如果有一天你要當媽媽了,我也會陪你穿上這 outfit……希望到時候,我仍然能穿得下。」自稱單身嘅蔡思貝要加油啦!

蔡思貝同許亦妮姊妹情深,許亦妮臨盆在即,蔡思貝樂於裝假狗陪對方影孕照。

在短片中,見到蔡思貝跳跳紮,結果跌出假肚,許亦妮並自爆:「我記得小時候已經很喜歡把毛公仔塞在肚𥚃面扮大肚,然後當毛公仔是 BB 那樣抱住一齊瞓覺,嗯……難道我從小幾歲就已經想當媽媽了!」

許亦妮話期待蔡思貝真大肚,到時輪到佢陪思貝影孕照喎!