feat_1158_17

蕭正楠撲米失敗餓親黃翠如 粥水度日留家防疫

所謂小心駛得萬年船,面對新沙士「武漢肺炎」肆虐,全港市民齊心抗疫,當中正努力追B的翠蕭夫婦更步步為營,除咗口罩、消毒用品不足,更加撲米失敗,屋企米缸米粒凋零,蕭正楠更擔心鍾意嗅米氣的老婆冇米落肚,想出妙計慳米煲粥水慰妻,阿蕭對本刊記者緊張表示:「我唔食,翠如都要食!」愛妻號蕭正楠確實用心良苦!

撰文、圖片:東方新地


蕭正楠撲米失敗驚餓親黃翠如

去年中拍畢劇集《使徒行者3》,黃翠如便進入休息狀態,老 公蕭正楠亦在上年底完成劇集《愛美麗狂想曲》,夫妻終於埋位為定下的2020年B計劃開工,不過近日卻因武漢肺炎肆虐令二人 打亂陣腳,現時最緊張是先強健身體加緊防疫,夫妻亦為撲罩撲米操心。日前返電視城出席宣傳活動的蕭正楠,就向本刊記者透露屋企嘅米已經所剩無幾,令鍾意吃飯的老婆要吃粥水度日,阿蕭表示:「我嚟嘅時候見到屋企樓下有人捧住包米,我就估到屋企超市嗰度啲人可能搶緊米,即刻通知太太,點知太太去到啱啱last包米都畀人攞起埋,依家真係冇米,好彩我食好少,喺屋企都係佢食,依家惟有將僅餘嘅米慳住用,煮其他嘢畀佢食,可以焗蛋糕、整三文治畀佢食,剩番嘅少量米可以煲粥水,幾粒米煲成罉粥畀佢食,可以食多幾餐,真係好慘!」


抗疫及慳口罩,蕭生蕭太避免出外,蕭正楠在缺米情 況下想盡辦法餵飽翠如。而有地獄廚神之稱的翠如在家 鑽研廚藝,可惜煎燶雞翼,不過阿蕭照單全收。
抗疫及慳口罩,蕭生蕭太避免出外,蕭正楠在缺米情 況下想盡辦法餵飽翠如。而有地獄廚神之稱的翠如在家 鑽研廚藝,可惜煎燶雞翼,不過阿蕭照單全收。

蕭正楠透露老婆日前在超市撲米,連最後一包米都畀人買埋,相當之慘!翠如 亦在社交網 po 出自畫圖訴苦,表示屋企已經冇米冇口罩冇麵冇消毒用品,但還有愛,所指當然是老公對她的愛。
蕭正楠透露老婆日前在超市撲米,連最後一包米都畀人買埋,相當之慘!翠如 亦在社交網 po 出自畫圖訴苦,表示屋企已經冇米冇口罩冇麵冇消毒用品,但還有愛,所指當然是老公對她的愛。

留家抗疫少出門 準備屋企戴罩

疫情持續,蕭正楠透露有幾個工作都已經延期,夫妻盡量 留家抗疫,今個農曆年亦只曾到雙方父母家拜年,其他時間都 避免外出。阿蕭直言:「屋企口罩都有限,冇乜嘢都唔出街,或者一次過買晒所有嘢返去,自己都係好辛苦先喺網上撲到兩樽消毒噴霧。暫時都休息吓先,二月啲工作Cancel咗,亦有三四個Annual Dinner 延期,我覺得都係好事嚟,始終咁多人聚埋一齊都有啲危險!」

蕭正楠坦言屋企口罩及消毒用品短缺,曾駕車到 大埔教育大學內的超市入貨,阿蕭話:「以為冇人 返學,冇乜人會去嗰度,點知都係買唔到米。」
蕭正楠坦言屋企口罩及消毒用品短缺,曾駕車到 大埔教育大學內的超市入貨,阿蕭話:「以為冇人 返學,冇乜人會去嗰度,點知都係買唔到米。」

阿蕭返電視城出席宣傳活動,出入錄影 廠時亦特別提高警覺,用公司安排的洗 手液消毒,更緊張連噴兩次搓手,相信 是最怕染病連累老婆。
阿蕭返電視城出席宣傳活動,出入錄影 廠時亦特別提高警覺,用公司安排的洗 手液消毒,更緊張連噴兩次搓手,相信 是最怕染病連累老婆。

婚後一年半仍似足新婚甜蜜,對翠如錫到燶的蕭正楠,見他離開 錄影廠不停用洗手液搓手,做足防禦措施只為保護身邊人。他說:「就嚟喺屋企都要戴口罩,有時瞓醒覺得喉嚨唔舒服,我都會即刻戴番先,唔想傳畀屋企人!」他更表示太太對家居清潔好緊張:「佢好似西鐵啲工人咁喺屋企狂噴消毒。」

武漢肺炎肆虐,翠蕭夫婦盡量留家抗疫,翠如不時在社交網留言吐心聲,表示留在家裡煲劇,與全港市民共渡難關。
武漢肺炎肆虐,翠蕭夫婦盡量留家抗疫,翠如不時在社交網留言吐心聲,表示留在家裡煲劇,與全港市民共渡難關。

師奶透露每天起床第一件事,便是上網睇吓有冇物資返貨,同全港市民一樣等運到。
師奶透露每天起床第一件事,便是上網睇吓有冇物資返貨,同全港市民一樣等運到。

撲米唔成 開始研究菜式 翠如研發「黑」雞翼

蕭生蕭太雖然買不到米,但家中仍然糧食充足。減少外出的翠如更不時下廚,日前她更分享了她煎雞翼的經過:不知是否火喉過猛,一隻隻雞翼都燒到太燶,連表層的蒜蓉都蓋不過。翠如更開玩笑指,不知是火、還是雞翼、又或是燈光的問題,令雞翼看起來黑了一點。

翠如更透過IG向蕭正楠傳話,指「好又一餐,好好又一餐。」
翠如更透過IG向蕭正楠傳話,指「好又一餐,好好又一餐。」

圖片一出,即得到不少圈中好友支持;胡定欣建議翠如下次可以使用焗爐、連詩雅則留言表示好食。
圖片一出,即得到不少圈中好友支持;胡定欣建議翠如下次可以使用焗爐、連詩雅則留言表示好食。

輪到蕭生登場,一開始已經突破盲腸:「黑咩?」
輪到蕭生登場,一開始已經突破盲腸:「黑咩?」

減少外出工作 教大眾自製酒精搓手液

除了下廚,翠如更乘機休息一下,種花、更新IG,更不忘教大眾如何自製酒精搓手液。

留家防疫百無聊賴,翠如惟有回味旅行的美好時光。
留家防疫百無聊賴,翠如惟有回味旅行的美好時光。

消毒用品全城缺貨,翠 如就慶幸得妹妹送來自製的酒精搓手液。
消毒用品全城缺貨,翠如就慶幸得妹妹送來自製的酒精搓手液。

全民緊張防疫,連狗仔都唔例外,翠如心愛寶貝小六就返娘家避炎。
全民緊張防疫,連狗仔都唔例外,翠如心愛寶貝小六就返娘家避炎。

望冇沙士咁嚴重

03年一場沙士成為香港人慘痛經歷,當時仍未遇上的翠蕭夫婦,亦各有難忘際遇,03年剛在浸會大學傳理院畢業的黃翠如,曾表示當時因擔心搵唔到工,考入有線只收三千元人工,而當時入行不久的蕭正楠,更撞正沙士拍攝第一部電視劇《戀愛自由 式》。阿蕭表示:「沙士嗰時我都要開工,喺烏溪沙經常拍落水 戲,都係膽博膽,沙士之後,其實大家防疫意識都強咗,識得隔離同戴口罩,希望今次唔會好似當年沙士咁嚴重!」

劇集《黃金有罪》在電視城舉行記者會,監製更激罕下令要所有人戴罩宣傳,明顯全城進入戒備狀態。
劇集《黃金有罪》在電視城舉行記者會,監製更激罕下令要所有人戴罩宣傳,明顯全城進入戒備狀態。

一班演員參與玩搬黃金遊戲後,即急急用消毒液清潔雙手,做足安全措施!
一班演員參與玩搬黃金遊戲後,即急急用消毒液清潔雙手,做足安全措施!

演員進出錄影廠都緊張排隊用消毒液噴洗雙手,黃智賢和何遠東乖乖排 隊等消毒不敢掉以輕心。
演員進出錄影廠都緊張排隊用消毒液噴洗雙手,黃智賢和何遠東乖乖排 隊等消毒不敢掉以輕心。