張柏芝分享育兒點滴 大仔Lucas考車牌暖心原因感動全網

最新娛聞
東方新地

廣告

本月踏入45歲嘅張柏芝，自同謝霆鋒離婚後長駐內地發展，2018年11月誕下第三胎後，正式成為三孩之母。早前，佢嘅兩個兒子Lucas同Quintus驚喜現身謝霆鋒演唱會，超高顏值即刻成為全城熱話。近日，張柏芝更喺社交平台大爆，今年8月即將滿18歲嘅大仔Lucas正準備考車牌，而佢學車嘅原因更令張柏芝感動不已，直呼：「好甜！」

Lucas、Quintus兄弟情深冧爆張柏芝

張柏芝平時愛喺社交平台分享生活點滴，日前佢一邊化妝一邊同粉絲聊起同兒子嘅趣事，透露大仔Lucas即將考車牌。佢喺片中話，18歲嘅Lucas已經到咗可以學車嘅年紀，有一日Lucas突然問佢：「如果他考到車牌，她敢不敢坐他駕駛的車。」張栢芝毫不猶豫表示絕對敢坐，對Lucas充滿信心。跟住佢好奇問Lucas點解想考車牌，Lucas竟然回應：「是因為想接細佬放學。」呢個同細佬有關嘅暖心原因，令張柏芝感動萬分，直言：「我心裡就覺得好甜哦！」佢仲同Lucas開玩笑話：「那如果你順帶方便的話，就來兜一兜我啦。」

張柏芝 張柏芝分享大仔Lucas想考車牌的原因。（圖片來源：小紅書@張柏芝）
張柏芝分享大仔Lucas想考車牌的原因。（圖片來源：小紅書@張柏芝）
張柏芝 Lucas和Quintus早前同嫲嫲拉姑去睇阿爸謝霆鋒演唱會，首次正面曝光他們的超高顏值，迅即引起網民熱議。（圖片來源：大會提供）
Lucas和Quintus早前同嫲嫲拉姑去睇阿爸謝霆鋒演唱會，首次正面曝光他們的超高顏值，迅即引起網民熱議。（圖片來源：大會提供）
張柏芝 張柏芝同兒子感情一向深厚。（圖片來源：微博@張柏芝）
張柏芝同兒子感情一向深厚。（圖片來源：微博@張柏芝）

張柏芝曾日日揸車送囝囝返學

其實張柏芝都好畀心機湊仔，兩年前曾直播朝早五點幾起身開車，朝朝清晨都由大埔康樂園送兩個仔返位於石門嘅國際學校。

張柏芝 張柏芝曾分享日日揸車接送囝囝日常。（圖片來源：IG@cecilia_pakchi_cheung）
張柏芝曾分享日日揸車接送囝囝日常。（圖片來源：IG@cecilia_pakchi_cheung）

網民大讚Lucas懂事 張栢芝育兒獲肯定

Lucas嘅貼心舉動唔單止冧到張栢芝，仲喺網上引來唔少網民讚賞。有人留言話：「她把孩子帶的很好，很陽光又接地氣，也不叛逆」，亦有網友稱讚：「兒子又帥又優秀」，對張栢芝嘅育兒方式大表認同。Lucas同細佬Quintus嘅深厚兄弟情，加上佢哋陽光帥氣嘅形象，令網民對呢對星二代嘅未來充滿期待。

張柏芝 張柏芝2018年11月誕下第三胎後，正式成為三孩之母。（圖片來源：微博@張柏芝）
張柏芝2018年11月誕下第三胎後，正式成為三孩之母。（圖片來源：微博@張柏芝）
張柏芝 Lucas和Quintus都係學霸，早前Lucas更有傳考入了劍橋大學物理系。（圖片來源：微博@張柏芝）
Lucas和Quintus都係學霸，早前Lucas更有傳考入了劍橋大學物理系。（圖片來源：微博@張柏芝）
張柏芝 網民都大讚張柏芝育兒有方，成功教育兒子成才。（圖片來源：大會提供）
網民都大讚張柏芝育兒有方，成功教育兒子成才。（圖片來源：大會提供）

罕談感情觀 張柏芝重心轉向家庭事業

日前，張柏芝難得開腔談及感情狀況，坦言：「愛情只有一個事情才可以傷害到自己，就是不甘心，自己過不了自己，才會給自己痛苦。」佢認為，對現階段嘅自己而言，愛情並非不重要，但時間分配已有所不同，「現在我對待愛情，我覺得不是不需要，也不是不重要，是沒時間。」如今，佢將重心放在家庭同事業上，專注照顧三個仔女同發展內地市場，展現獨立女性嘅堅韌同智慧。

張柏芝 張柏芝難得開腔談及感情狀況，指自己不會死纏難打。（圖片來源：小紅書@張柏芝）
張柏芝難得開腔談及感情狀況，指自己不會死纏難打。（圖片來源：小紅書@張柏芝）
張柏芝 又指自己現階段沒時間專注愛情。（圖片來源：微博@張柏芝）
又指自己現階段沒時間專注愛情。（圖片來源：微博@張柏芝）

撰文：東方新地圖片來源：小紅書@張柏芝、微博@張柏芝、IG@cecilia_pakchi_cheung資料或影片來源：原文刊於新假期

熱門文章