黎彼得批夏韶聲開告別騷「最紅嗰時冇見佢開」 勞氣再呻:阿豬阿狗又搞演唱會
廣告
近日樂壇傳奇夏韶聲宣布舉辦告別演唱會,消息一出即引起圈內外熱議,74歲黎彼得在YouTube主持節目《玖噏秘笈》公開發表尖銳評論,直言「最紅嗰時冇見佢開,依家阿豬阿狗都搞演唱會」,語氣中盡顯不屑,令網民議論紛紛。
黎彼得狠批「流行曲已死」句句有骨 點評MIRROR勁不屑 網民反應兩極
黎彼得批夏韶聲開告別騷:最紅嗰時冇見佢開
黎彼得的言論反映出近年本地演唱會市場過熱,不少藝人紛紛趁熱開騷。對於夏韶聲選擇在事業後期才舉辦告別騷,黎彼得認為時機錯失,質疑其背後動機。「佢真係好笑,無端端重出江湖做咩演唱會啫,喂,你嗰時最『當老肯』嗰時,又《交叉點》,又《空凳》、又咩《低泣的結他》定《結他低泣時》,嗰時最紅嗰時唔見你開演唱會?」
他又勞氣地講:「以前張耀榮話搞演唱會一場就蝕本,兩場就歸本,三場執少少,而家搞演唱會係搵食艱難,唔係個個得,以前啲人個個都有唱片、出新歌,喺紅館搞幾場,等人嚟朝聖,而家唔係,阿豬阿狗又搞演唱會,搞乜鬼嘢?」
黎彼得承認脫節自嘲 身份定位困惑
黎彼得又以譚詠麟取消東莞演唱會、陳奕迅因病取消台灣場、劉德華因意外、張學友傳破產等為例,直言:「而家樂壇好唔健康、亂晒籠!」然而,陳奕迅已補場,張學友破產亦被證實為假消息。
Peter哥坦承與圈子脫節:「而家脫離咗呢個圈,少少似好似局外人咁樣,食飯同朋友傾題都唔啱路,因為我out咗,年紀又大,冇接觸呢行啲人。」他困惑自問:「我而家都唔知咩身份,我係YouTuber?抑或KOL?抑或藝員,我自己都唔知自己喺邊度。」

網民反應兩極:咁都要酸人
黎彼得的直言不諱在網上掀起熱烈討論。有網民認同其觀點,認為現時演唱會泛濫,質素參差;亦有粉絲認為夏韶聲的音樂歷程值得尊重,開告別騷是對樂迷的交代:「每個人都有權選擇何時告別舞台」、「咁都要酸人,唔係掛」、TVB吾簽佢唔係冇原因架」、「最紅開乜告別show」
黎彼得插周星馳「唔係好人」 揭同枱食飯冇偈傾 仲爆星爺永冇做1件事

圖片來源:《玖噏秘笈》圖片、大會提供資料或影片來源:原文刊於新假期