黃一山自爆探班周星馳遭婉拒北大碩士仔畢業在即恐失業

黃一山細仔北大畢業在即大爆難搵工

黃一山坦言自己已過演藝高峰期：「而家冇人搵我拍戲，拍得唔好反而影響人哋對我嘅印象，見好就收啦。」目前他將重心轉向內地食肆業務，雖然仍未賺到「第一桶金」，但他笑言收入足以應付退休生活。談到細仔即將於北京大學心理學碩士畢業，他直言擔心市道欠佳、難覓出路，因此早早鋪路：「依家咁多人生病，但又無錢睇心理醫生。不如我擴張生意，等佢返嚟幫手，順勢坐正做CEO。」

黃一山黃一山日前回港出席活動接受訪問。（圖片來源：ViuTV截圖） — 黃一山日前回港出席活動接受訪問。（圖片來源：ViuTV截圖）

黃一山想探星爺班被婉拒

談到近期周星馳在深圳開拍新戲《少林女足》，黃一山曾託朋友轉達想探班，惟遭婉拒。他毫不介懷，反而欣賞星爺「信緣份、重偶遇」的性格，坦言期待未來再見。他續稱過往與星爺合作愉快，從未被鬧過：「如果佢對我有芥蒂，我一路講佢啲嘢佢應該唔開心，但佢冇反應，我估佢對我印象都幾好啦。」他更自覺頗了解星爺，認為對方若不喜歡某人，不會任由其「蹭流量」，顯示彼此仍有一份默契存在。

黃一山周星馳同黃一山當年拍過多套經典電影。（圖片來源：《逃學威龍》截圖） — 周星馳同黃一山當年拍過多套經典電影。（圖片來源：《逃學威龍》截圖）

網民留言狠批：唔講周星馳就冇存在感

不過不少網民對黃一山的言論有所保留，質疑他時常在訪問中強調與周星馳關係密切，但實際上二人近年連聯絡都要靠朋友轉達。有意見認為，周星馳一向不喜歡別人提起往事，黃一山卻屢次重提，令人氣疑星爺心中或早已有所芥蒂：「星爺最憎講返以前嘅嘢，你仲成日講星爺，你覺冇問題，人地覺有問題」、「唔講周星馳，就冇存在感」、「每日不斷重覆重覆又重覆咁提周星馳」、「兩個咁老友，原來要咁靠朋友傳話」等。