星二代關楓馨深夜大派福利 親揭8個攝影師狂拍千張相背後秘密

玩轉粵東粵北懶人包｜關楓馨孖人妻黃美棋浸溫泉晒身材！慘被同事用「陰招」搶鏡

關楓馨IG突派福利 黑色比堅尼震撼眼球

關楓馨前日在Instagram上載了足足18張拍攝旅遊節目《玩轉粵東粵北懶人包》時的花絮照，當中以兩張黑色比堅尼泳照最為吸睛！其中一張全身照，清楚見到關楓馨弗爆的S字身形，零贅肉兼有腹肌線條，體態極之完美；另一張則以高角度拍攝，捕捉她在泳池中玩水，雙腳向後勾起，對著鏡頭甜笑的可愛模樣，少女感十足。她更在帖文中搞笑留言：「講個秘密俾大家知🗝️喺呢個trip至少有8個人幫我影過相😆📸影咗真係有超過1,000張!!!然後我好難先揀到呢啲出嚟，所以麻煩大家swipe哂呢18張相～唔好嘥咗佢哋嘅心血啊🙂‍↕️」。

星二代關楓馨大解放 港姐出身罕有騷身材

作為資深藝人關禮傑的愛女，關楓馨自2021年參選香港小姐入行後，一直形象健康、氣質甜美，深受觀眾喜愛。過往她在社交平台多數分享日常生活或工作照，衣著風格偏向密實，甚少公開展示性感一面。今次為節目罕有地以比堅尼上陣，可謂一次大解放，讓不少網民眼前一亮。其實關楓馨一直熱愛運動，不時會去做Gym或行山，今次大方騷出苦練已久的成果，完美體態背後絕對付出不少汗水，成功擺脫外界對「星二代」的刻板印象，努力建立自己的演藝事業。

網民洗版式留言激讚：靚到犯規

關楓馨的福利圖一出，帖文即時被網民洗版式留言攻陷，短時間內已吸逾萬個讚好，粉絲反應極之熱烈！大部分網民都一面倒激讚她身材Fit爆又可愛，紛紛留言：「靚到犯規！」、「呢輯相真係世界級，多謝攝影師們嘅心血」、「身材好好，係好健康嘅性感！」、「1,000張都唔夠喉，求Post多啲！」、「人又靚景又靚，睇見都心心眼」、「終於肯派福利，頂唔順啦！」