93歲胡楓黑面要求記者道歉對方一句話激嬲修哥網民轟：唔識人情世故

修哥憶亡妻突遭追問即時黑面

修哥接受記者訪問時，談及剛過去的中秋節家中有17名親友齊集，四代同堂過節，「成家人一齊過，好熱鬧、好熱鬧，好開心、好開心。但熱鬧之中就缺少咗一樣嘢，缺少咗啲嘢」。修哥言下之意，缺少的應是其於2016年離世的太太呂詠荷，縱使四代同堂過中秋，但團圓時不免憶起已仙遊的老伴。惟這時有女記者似不知情，再追問「缺少啲乜嘢？」修哥聽到後即時黑面，反應很大地望向該名女記者，「吖，仲使問嘅？你……你……唔准問呀。」

胡楓當場要求記者道歉才肯收貨

其他記者看到修哥似動真火，有人澄清不是自己發問，場面一度尷尬。修哥隨即叫該名女記者「嗱，講聲對唔住」。女記者亦立即道歉，修哥聽到後才放鬆表情，變得從容地笑了幾聲，然後說「哎，無錯啦」，似已原諒女記者的失言，繼續談笑風生。修哥表示自己身體狀況良好，經常做運動，社交生活亦很忙碌，「其實一個月起碼我有28日都係應酬、我係日日都有應酬」。

呂詠荷2016年離世修哥思念不減

修哥與太太呂詠荷結婚多年，感情深厚。呂詠荷於2016年離世，享年85歲，修哥當時非常傷心。多年來修哥在公開場合甚少主動提及亡妻，但每逢佳節團圓時刻，總會想起與老伴共度的美好時光。今次中秋節四代同堂，修哥雖然開心，但亦不禁感慨缺少了最重要的人陪伴。修哥透露有意在明年再度舉辦個人演唱會，但暫未知計劃能否成事。