魔音女團｜16位練習生爭赴韓發展！導師咆哮「可以返屋企」畫面極震撼
首集預告曝光！雙陳班主咆哮連場狠批走音
節目以「開學禮」為主題揭開序幕，但氣氛絕不輕鬆。在搶先曝光的特訓片段中，兩位班主陳潔靈（Miss Chan Chan）及陳奐仁已火力全開，面對練習生們的表現顯得相當勞氣，咆哮聲此起彼落：「走音！我哋要處理走音」、「你冇嘢差得過依家架喇」，甚至對個別表現不滯的練習生拋下震撼一句：「你兩個可以返屋企」，場面極具壓迫感。連擔任服裝指導的《剪裁魔法師》冠軍Kev Yiu亦毫不留情，狠批16位練習生：「Ready 做女團架哩，一個都未有」，可見她們的蛻變之路絕對困難重重。
陳潔靈直言節目矛盾 陳奐仁爆金句：將不可能變可能
面對這班「魔音」練習生，兩位班主的教學理念亦形成強烈對比。Miss Chan Chan笑言無綫製作《魔音女團》本身就充滿矛盾：「你又想佢哋好，但佢哋一定唔好」，更直指「TVB 呢個節目，情緒有啲混亂咗」，似乎對練習生的初期表現不抱厚望。相反，陳奐仁則充滿熱血，誓要完成不可能的任務，更向練習生大派定心丸，爆出金句：「我嘅使命係將 mission impossible 變成 I am possible」，並鼓勵道：「你每一樣嘢起碼練 100 次，一定會進步」、「無論你幾魔音，你一定唱得到」，燃起了眾人的鬥志。
重本製作！韓國偶像學院社長加盟 冠軍直通韓國發展
《魔音女團》由蕭正楠主持，集結了16位背景各異的練習生，包括莊子璇、宋宛穎、廖慧儀、倪嘉雯等，她們將在3星期內接受歌、舞、Rap及星味的全方位改造。節目班底強勁，除了兩位星級班主，更有文佐匡、冼靖峰及黃洛妍擔任跳舞及唱歌助教，形象指導馬天佑、服裝指導Kev Yiu、美妝指導Carrie Cammy亦會加盟。最令人矚目的，是節目邀得韓國偶像學院社長Yong Heo參與經營，最終成功入團的6名練習生，更有機會獲邀到韓國發展，製作規模及獎勵都極具吸引力。
網民期待值爆燈：TVB終於肯搞女團！
節目預告一出，旋即引爆網民熱議，不少人對TVB再辦女團選秀表示期待。有網民留言大讚節目有睇頭：「TVB終於肯搞返女團啦！好期待！」、「有Miss Chan Chan同Hanjin，質素有保證，肯定好嚴格！」、「去韓國發展？個gimmick好吸引！」。不過也有網民對「魔音」變女團的概念抱持觀望態度：「全部都魔音點搞… 3個星期真係得？」、「睇個預告啲導師鬧人鬧得好甘，花生味濃！」。
