中年好聲音4｜吳國敬爆許志安錄歌秘聞！一首歌竟收埋九個月內幕驚人

吳國敬大爆許志安錄音怪癖

在節目中，吳國敬透露在所有合作過的男歌手中，他為許志安創作的歌曲數量最多，當中包括《借你耳朵說愛你》、《搖籃》、《愛人朋友》及《真心真意》等經典。他憶述當年為《真心真意》交出Demo後，許志安竟遲遲未有動靜，更讓他足足等了九個月，吳國敬直言：「我交個 Demo 係得個琴得個鼓，冇 Bass 冇結他，交咗畀佢之後，佢收埋咗九個月，佢都話『你等吓先、你等吓先』，我初初以為係咪個 Demo 唔好聽，佢就話『阿敬，我有嘢諗呀』。」

許志安親解九個月之謎：暗地裏做咗嘢

面對吳國敬的「指控」，許志安隨即親自解開這個長達九個月的謎團，原來他並非閒置歌曲，而是對音樂製作有極高要求，一直在背後默默耕耘。許志安大讚《真心真意》的旋律非常好聽，並解釋當時的狀況：「其實我暗地裏做咗一啲音樂上嘅嘢，喺 Studio 叫人執一執，執完再執。」可見他對音樂細節一絲不苟的嚴謹態度，才成就了這首經典金曲。