「香城一姐」首拍內衣廣告遇離譜要求！遭28歲性感女神胸狠上陣搶fo

張錦霞拍內衣廣告披綠幕上陣

片中，霞姐被內衣品牌老闆睇中，身穿全身的「綠幕」造型，跟另一位索爆女神梁庭欣一齊拍攝廣告，庭欣跟「包到實」嘅霞姐剛剛相反，穿上性感內衣造型，將完美線條嘅Body表露無遺，霞姐望實對方身材，禁不住笑言：「呢個老闆直情係『港版暴龍哥』，鍾意重口味，佢竟然叫導演將庭欣個身Key落我身上面，咁樣移花接木，真係得咩？」她表示「綠幕」造型都好「蝦人著」，「其實接完廣告之後，真係有乖乖去著佢哋內衣，將我旁邊贅肉都包得好好，胸形都好睇好多，如果唔係真係會變成一隻超立體嘅肥糉咁…哈哈哈！」兩人最終「合成」成果到底如何…似乎要留待下一集！

梁庭欣曾參加《足球女將》為完美身材節食

至於曾經參加ViuTV真人騷《足球女將》、外表仙氣十足獲的28歲梁庭欣「真身」上陣，一向是運動健將的她較早前在電視節目足球真人騷中演出已經被網民瘋狂搜尋，今次挑戰性感尺度，以內衣上陣，身形弗到漏，她表示拍攝前都有一定的準備功夫，「拍攝前一個星期都一定要少少節食，好怕拍攝嗰陣凸個肚腩仔出嚟呀嘛，好彩自己一向鍾意運動，所以都好努力保持住體態，（有冇清場？）冇喎，咁多年模特兒工作都習慣咗，我著住套內衣全場走來走去，已經唔識得怕醜，加上今次內衣品牌令到胸部更加集中，副乳、鬼祟肉都包到好靚，拍攝時都特別有自信心。」

網民留言期待兩大女星合成版本！

破格內衣宣傳短片曝光後瞬間引爆網絡熱話，大批粉絲湧入社交平台瘋狂洗版。有支持者留言大讚梁庭欣「好索」及「身形弗到漏」，認為其日常運動習慣確實打造出完美體態。同時亦有大批觀眾對「港版暴龍哥」老闆提出離譜合成指令感到匪夷所思，紛紛留言「咁樣移花接木真係得咩」以及「極度期待下一集出街睇製成品」。

梁庭欣背景、身高（IG@tingyanleung_ 年紀：28歲 職業：模特兒）

現年28歲的梁庭欣身高5呎9吋半的梁庭欣，本身是時裝模特兒，曾到米蘭時裝周行Catwalk，近年亦與不少時裝品牌有合作，自己亦開設了一間寵物零食網店。梁庭欣在2023年代表香港在東京參加《第61屆國際小姐競選》總決賽，更贏得最佳泳裝獎。仙氣十足加上擁有高挑身材的梁庭欣，網民們都勁讚梁庭欣幾分似氣質女星湯唯。