夫妻博弈｜張頴康林漪娸Cheap精母子爆紅！食鮑魚被叫回吐勁爆笑

張頴康林漪娸榨乾郭柏妍爆笑鮑魚宴反眼藐嘴

在昨晚的劇情中，郭柏妍為討好未來奶奶，帶齊燕窩、花膠、鮑魚等厚禮上門做煮婦。林漪娸飾演的母親李佩貞本著「食得唔好嘥」的精神，對兒子阿Mark（張頴康飾）說：「有燕窩、花膠、鮑魚做禮物喎，你唔係唔畀人入嚟煮飯呀？」、「你當佢到會咪得咯」、「呢啲𡃁妹有幾多錢啫，兩吓乾塘啦！」母子倆一心只想食好西，面對郭柏妍瘋狂「相機食先」已極不耐煩，但又要強忍。當二人終於將鮑魚放入口中，郭柏妍竟要求他們「回吐」讓她拍照，兩人「沒好氣」的反眼式對望加藐嘴樣，極具喜感，成功引爆笑彈。

張頴康媽寶上身入型入格殭屍手捽腳顯功力

張頴康與林漪娸這對「Cheap精母子」火花十足，張頴康更將「媽寶」身份演繹到入型入格。除了爆笑的鮑魚宴，劇中其他場口亦突顯了二人的絕佳默契。例如昨晚他拎起一對「殭屍手」向媽咪詐嬌，聲稱自己「手抽筋」要母親幫忙洗手；或是今晚將上演的「孝子捽腳」場口，都將母子間的搞笑互動發揮得淋漓盡致，難怪這對衰格母子依然能大受觀眾歡迎，成功靠喜感吸粉。