中年好聲音4｜曾志偉直斥決賽三大敗筆 為尤淑情討公道 狠批TVB唔公平
直指決賽「最唔好睇」 冠軍毫無懸念
今屆《中4》由大熱門尹景順由頭帶到尾奪冠，雖然實至名歸，但曾志偉就直言這正是整個決賽的敗筆。志偉在訪問中坦言：「容許我說句真心話，成個騷好好睇，唯一唔好睇係咩呢？冠軍已經係⋯⋯好似一定係佢咁！」他更直指去到最後三甲唱「必殺歌」環節時，感覺許雲妮及鄭家聲「好似已經輸咗咁」，令比賽欠缺了最引人入勝的驚喜與刺激感。
親為尤淑情討公道 直斥製作組對選手唔Fair
除了嫌賽果太好估，曾志偉哥更為參賽者尤淑情討公道，事緣在「決勝慢歌」的關鍵時刻，尤淑情竟然漏戴Ear Phone出場，更在台上突然叫停音樂，此舉嚴重影響了臨場發揮與評審觀感。曾志偉直斥製作組安排失當，他嚴肅指出：「對第二嗰個（尤淑情）唔fair，第一個唱完，佢都未戴耳機，手忙腳亂，而且那還是一首很深情嘅歌，未企穩就要開口唱，都要畀個公平嘅競爭人家。我係好公道嘅，我覺得該批評就批評。」身旁的主持車婉婉見狀，即時為製作組解畫，解釋是因為節目嚴重超時，導致整個流程變得倉促。不過志偉就認為觀眾未必會體諒：「呢個就係live show嘅麻煩之處，觀眾未必明白，但希望大家諒解我哋。」言下之意，即使節目超時，也不應犧牲參賽者的演出質素。
曲線指今屆水準不均 爆劉洋隨時贏冠軍
為了進一步說明今屆賽事競爭不夠激烈、選手欠缺個人特色，曾志偉更爆料指自己私下曾向《中3》季軍劉洋說：「你今日如果喺度比賽，競爭就好激烈啦！你唔會係第三屆嘅第三，你可能係第四屆嘅第一或者第二！」這番話無疑是曲線再一次指出今屆選手欠驚喜及個人特色，更感嘆這就是「人生的命運」。雖然曾志偉對今屆賽制有微言，但他最後亦補飛表示：「呢個就係live show好睇嘅地方！」力撐整個製作團隊的辛勞。
網民熱議決賽亂象紛紛替淘汰者心酸
慶功宴上的真實點評曝光後，大批觀眾對曾志偉提及的不公現象深表認同，網絡上隨即湧現大量討論聲音。不少網民留言表示「完全睇得出尤淑情當時幾咁徬徨」、「直播超時唔應該要參賽者埋單」，更有粉絲直言「如果劉洋真係參加今屆肯定贏硬」。大眾普遍認為高壓的舞台環境確實考驗臨場反應，但失去公平準則的賽制安排已讓總決賽留下遺憾。
