孩子你怎樣長大？｜林奕匡爆超狂劈柴童年拒做怪獸家長公開育兒三大心法

大讚韓國森林幼稚園嘆「讀死書無用」

韓國的高壓教育一向令人聞風喪膽，但Phil這次前往韓國，卻接觸到當地為逃離競爭而興起的「森林幼稚園」。幼兒在沒有課本和牆壁的環境下，以大自然的一花一草為教材學習，並培養保護生態的意識。在加拿大長大的Phil對此大讚新穎，直言即使在國外亦未曾聽聞：「脫離城市喺大自然搵到教材，如果有機會絕對會畀自己個仔去讀！因為我覺得讀咁多死書無用，真係要感受呢個世界、自由奔放，自己去發掘想學嘅嘢。人嘅好奇性好重要，我自己都係好好奇嘅人！」

自爆「劈柴童年」望兒子保持好奇心

說到對大自然的熱愛，Phil笑言自己的童年經歷簡直像拍電影。他透露童年主要分為兩部分：「第一部分係喺森林隔離間屋長大，成日跟爺爺入森林劈柴；第二部分就係屋企人開餐館，放學就要去幫手。」經歷過大自然與接地氣生活的洗禮，Phil坦言對兩歲兒子Darrien的期望非常簡單，不求成為學霸，只希望他能快樂成長：「最緊要開心、保持好奇心，快啲認識呢個世界同自己！」

網民對自然教育法反應兩極掀起網絡辯論

大批家長對這種嶄新教學理念展現出極大興趣，有支持者留言大讚：「真正讓小朋友回歸大自然才是最好教育方式！」部分人則對Phil不可思議的成長背景感到驚訝，認為「以為佢剩係識吹色士風，原來識劈柴咁勁」。不過亦有大批網民對城市能否實行此制度抱持懷疑態度，直指「香港嘅填鴨式教育，難容納呢種烏托邦式幻想」、「如果香港有呢種學校，我都畀對仔女去讀呀」。