女神配對計劃 2｜江美儀狠批19歲鮮肉想食樂小姐！轉頭竟慈母上身 網民激讚！

江美儀狠批19歲蔡楠想追樂小姐：「可以省卻廢話！」

面對年僅19歲、自稱最想追求的女神是樂小姐的參賽者蔡楠，江美儀即時眉頭緊皺，展開連串質詢。她先問：「即係你覺得樂小姐會揀你呀？」再點出殘酷事實：「佢個仔好似大過你喎」。美儀姐更一針見血地質疑其動機：「定係你想入呢行，你覺得樂小姐垂青你，你就可以平步青雲咁呢？」當蔡楠表示自己專注讀書、冇乜人追時，美儀姐更不留情面地一句KO：「可以省卻喇嗰啲廢話。」其狠辣作風讓網民笑言：「美儀姐，你可以做女神配對計劃嘅訓導主任。」

江美儀見59歲Rocky鄭健樂太單純 苦口婆心勸：保護吓自己

不過，江美儀亦有溫情一面。當面對現年59歲的藝人兼健身教練鄭健樂（Rocky），聽到他天真地分享與一名廿多歲女仔的感情瓜葛，因對方嗌自己「老公」並發生肉體關係就認定對方是女友，美儀姐的態度明顯軟化。她先是單刀直入問：「係咪關係未定落？」其後便語重心長、苦口婆心地勸告Rocky：「保護吓自己啦！」她更大讚Rocky為人單純，突如其來的「慈愛」態度與先前判若兩人。

網民激讚江美儀夠真實：「鬧得好又夠Warm！」

江美儀對Rocky的溫暖勸告，令不少網民大為感動，紛紛留言大讚她真性情，同時亦對Rocky的單純表示同情。
「美儀姐好好啊，堅警世 mode」
「最尾嗰句保護吓自己喇其實好 warm，佢真心覺得 Rocky 好傻好天真」
「美儀姐真係肺腑之言」
「真係想教佢保護自己」
「恨鐵不成鋼 feel」
「勁語重心長」
網民亦大讚Rocky難得的真誠：「覺得 Rocky 份人堅真」、「純愛戰士」、「Rocky 幾好，我都想佢搵到（真愛）」、「而家好難搵啲咁單純嘅人」。