孩子你怎樣長大？｜連詩雅見識星洲最強托兒所 拒做虎媽 甜讚陳家樂神隊友
朝7晚7神級託兒服務 新加坡政府狂派津貼
媽媽們為了相夫教子往往分身乏術，再強大的女人都需要喘息空間。Shiga在節目中直言：「表面上係小朋友嘅遊樂場，實情係我哋媽媽嘅Me Time基地！」她參觀了新加坡一間朝7晚7營業的幼兒園，中心經理Mastura表示，他們專門為2至17個月大的嬰幼兒提供半日或全日制服務，除了照顧飲食作息，更會配合幼兒的發展里程碑，而且導師全需具備專業資格及急救證書，令家長極度放心。最令香港媽媽羨慕的，莫過於新加坡政府的「催生」福利！節目提到，在新加坡生第一、二胎已可獲5,000坡幣（約2.9萬港元）津貼，第三、四胎更倍增至10,000坡幣！除了媽媽享有16週有薪產假，今年起父母的共同產假更增至10週，加上每月600坡幣的託兒津貼，難怪當地在職媽媽可以安心放低小朋友去返工，真正做到雙贏！
全職媽媽靠行超市爭取Me Time
除了幼兒園，室內遊樂場亦是媽媽們的救星。Playhouse創辦人Heidi Tian指，新加坡天氣炎熱，這類寓教於樂的室內場所極受家長歡迎，能讓小朋友遠離電子產品。Shiga在場內訪問了育有4歲及6歲女兒的全職媽媽Ann。被問到平時如何爭取Me Time，Ann笑言：「我嘅Me Time就係去買餸！」她大讚Playhouse安全度高，小朋友可以盡情放電結交朋友，媽媽們就可以坐在旁邊Chill住玩手機。提到對女兒的期望，Ann自認是「Chill爆媽媽」，完全沒有給予壓力，甚至4歲細女Erin童言無忌說長大後想做「剪草員」（Grass cutter），她都大力支持：「Go for it!」
Shiga離家太耐掛住囡囡：好似粒棉花糖好想夾佢！
今次飛到外地拍攝，是Shiga產後首次離開囡囡這麼長時間，她在節目中亦真情流露：「見到呢班幾個月大嘅BB，即刻諗起我個女，雖然佢而家已經唔係咁細，但真係好掛住佢！」被問到自己算不算「虎媽」，Shiga極力否認，並大談自己的育兒哲學：「我比較鍾意開心教育，希望同個女一齊嘅時間，一半睇書學嘢，一半係玩。」她坦言現階段不會獨自留低囡囡在Playroom自己去玩：「我係緊張媽媽，見到佢好似粒棉花糖咁樣，就好想夾佢！所以我好鍾意落手落腳同佢一齊玩。」至於自己的Me Time，Shiga笑言除了工作，幸好老公（陳家樂）非常著重Work-life balance，兩人私底下會抽時間拍拖食飯，或者約朋友聚會，在照顧家庭與享受個人生活中取得完美平衡！
巨額育兒福利曝光惹網民熱烈討論
節目出街後，不少觀眾對星洲育兒福利表示羨慕，特別是針對10,000坡幣巨額津貼及長達十星期父母共同產假。有網民在網上討論區留言表示「朝七晚七托兒服務真係幫到職業媽媽好大忙」、「5,000坡幣津貼夠買好多奶粉尿片」，認為當地政策能減輕年輕家庭經濟負擔。但亦有部分網民將焦點放在受訪者提及高昂物價上，指出「星洲百物騰貴就算有津貼補貼都未必夠填補日常生活開支」，亦有人留言稱「生活成本先係最致命因素」。
