死有對証｜王菲爆拍咀戲勁緊張！親解鬧喊馬貫東秘訣：我覺得佢好慘

王菲親解鬧戲秘訣！愈心痛馬貫東鬧得愈起勁

談到劇中多場向馬貫東無理取鬧的戲份，王菲坦言自己並非代入其角色美寧，反而是代入了馬貫東的角色。她解釋：「我覺得佢個角色好慘、好心痛佢，無啦啦畀人鬧。佢付出咗好多，但對方睇唔到，仲要畀自己鍾意嘅人質疑，嗰種感覺係好難受。」正因為感受到對方角色的委屈，才讓她演得更投入：「所以到我演親鬧佢嘅戲，我望住佢個樣好慘、好委屈，我就會盡力地去鬧，而對方愈委屈，我就鬧得愈起勁，呢種情緒係相輔相成，大家交戲畀大家。」

王菲獻出螢幕初吻！爆同黃俊豪拍咀戲勁緊張

除了演技上的突破，王菲更在《死有對証》中獻出了寶貴的螢幕初吻。她透露，與黃俊豪拍攝親吻戲前其實相當緊張，更笑言：「初初以為係蜻蜓點水式。」幸好，她與對手黃俊豪本身已相當熟絡，拍攝前亦有一起研究劇本，加上對方非常有風度，讓整個拍攝過程相當順利，並未有感到尷尬，成功完成這場重要的感情轉折戲。

網民大讚專業！期待王菲更多演出

王菲分享的演繹心得曝光後，不少網民都大讚其專業態度。有網民留言表示：「原來係咁樣演！好專業！估唔到鬧人戲係代入對方感受，學到嘢」。亦有粉絲對她的螢幕初吻感到驚喜：「螢幕初吻！好大犧牲！支持！」。更有觀眾稱讚她與黃俊豪的化學作用：「同黃俊豪都幾襯，拍得好自然，完全唔似第一次拍咀戲。」