璀璨之城｜江美儀為角色犧牲勁心酸！每週漂髮致斷裂 演吳卓羲阿媽感愕然？

江美儀親解銀灰髮之謎 每週漂染頭髮斷晒

江美儀接受訪問時透露，為了呈現角色出場時的銀灰色短髮，她付出了沉重代價。她表示當時連續兩、三個月，每個星期都要漂一次頭髮，最終令頭髮無法承受，她坦言：「所以去到後期啲頭髮頂唔順斷晒。」除了髮型上的犧牲，為了配合角色瘋瘋癲癲的設定，美儀姐更刻意淡妝上陣，將自己最真實的一面呈現於鏡頭前：「雀斑、眼袋全部由得佢。」

江美儀接劇本感愕然 演吳卓羲媽媽有心理關口

在劇中，江美儀需要飾演吳卓羲的媽媽，但現實中她只比對方年長八年。對於這個安排，美儀姐坦言最初收到劇本時確實感到愕然。不過，專業的她很快便克服了心理障礙，她解釋：「但我睇完劇本後覺得呢個角色好有挑戰性，雖然有有心理關口，但作為一個演員有呢啲機會好難得，我就覺得不如試吓。」她最終決定接受挑戰，而其精湛演出亦證明了她的決定是正確的。

網民大讚專業：視后唔係浪得虛名！

江美儀為角色的付出曝光後，引來大批網民激讚其專業精神。不少人留言表示心痛：「原來個頭係真漂！太敬業了吧，好心痛！」、「難怪個角色咁入肉，原來背後付出咁多。」亦有網民佩服她敢於挑戰：「演吳卓羲阿媽真係要好大勇氣，但佢做得好好，完全冇違和感！」、「呢啲先係真正嘅演員，唔係靠靚樣。」、「支持美儀姐！視后級嘅付出！」