女神配對計劃 2｜陳星妤玩遊戲爆不和傳聞！公開向陳若思致歉 阿Bob力證：絕無惡意
陳星妤陳若思一抱泯恩仇 Yvette公開致歉反思
在節目錄影期間，主持人阿Bob主動提及Yvette與Amber在遊戲中的碰撞事件，並要求兩人擁抱，以行動化解不和傳聞。Yvette亦藉此機會，再次為自己在遊戲中的行為致歉，坦言當時處理不當：「我真係冇心整到 Amber，但亦真係有啲位係大意咗同疏忽咗。」她表示聽取了各方意見後，已作出深切反思：「我聽取咗大家聲音後，知道有好多嘢要反思、有時投入之餘都有好多嘢要顧及。我把關力度同方式係錯，下次要做番更好如果再有類似情況。」
阿Bob第一目擊者身份還原真相：拍遊戲易受傷
身為資深遊戲節目主持，阿Bob以「第一目擊者」身份為Yvette澄清，強調現場絕無火藥味。他解釋拍攝這類有身體接觸的遊戲時，受傷在所難免：「因為始終有拉扯，其實啲男仔都有扭親同撞到個頭。」阿Bob更分享自身經歷：「我拍咗咁多節目，我淨係自己個人受傷（都多），嘴角呀、鼻呀都有流過血…以前玩超級無敵呼拉圈，每次玩完我定對手都一定見紅或者撞瘀。」他保證當時現場沒有任何蓄意的惡意，並大讚：「我覺得兩個都做得非常好！」
阿Bob大讚陳星妤堅強 揭隱藏女神兩難處境
阿Bob特別點名大讚Yvette作為「隱藏女神」的表現，並道出其角色的兩難之處。他直言：「突然之間殺出嚟，到底應該咩 Approach？唔盡力去表現，根本冇意義，到盡力表現，又會畀人話『係咪發姣呀』、『使唔使咁進取呀』，都真係好難。」他欣賞Yvette面對連串輿論時的處理方式：「你（指 Yvette）面對呢兩、三個禮拜嘅輿論，我覺得你表現好大方，回應做得非常好，Yvette 我覺得你好堅，我哋為佢鼓掌！」監製Manho亦補充指隱藏女神的定位確實非常難拿捏。
網民留言力撐：玩遊戲係咁㗎啦
事件經澄清後，不少網民都表示理解，並留言力撐。有網民認為：「玩得遊戲預咗有碰撞啦，唔使下下都上綱上線嘅。」、「Yvette都道歉啦，好有誠意，Amber都接受咗，大家可以move on。」、「阿Bob講得啱，隱藏女神個角色真係好難做，做得好又俾人話，唔做又話hea。」、「欣賞Yvette大方回應，好過啲人死撐。」、「其實睇得出佢真係好投入，唔係有心嘅。」
