女優

傻傻分不清!盤點10對與女優撞樣女藝人

wp
入行15年的日本神級女優吉澤明步,日前宣布明年引退,傷盡男士心!香港人對吉澤明步特別有親切感,唔多唔少係佢同歌手鄧麗欣(Stephy)撞晒樣,其實香港女藝人同女優撞樣的例子又點止步姐同Stephy,以下有好幾pair係俾人講足咁多年,有幾pair就算係新發現!

撰文:東方新地|圖片:新傳媒、Instagram

吉澤明步入行15年 宣布來年引退

吉澤明步屹立AV界15年,擁有甜美樣貌及34E火辣身材,出道多年一直保持高人氣,不知為多少男士帶來精神慰藉,度過多少個寂寞晚上!

2019年3月「畢業」

不過在10月1日凌晨,吉澤明步在個人網誌宣布引退,表示2019年3月就會從AV界「畢業」!吉澤明步多謝大家一直以來的支持,並邀請粉絲參與其最後「感謝祭」。唔少男士包括小編,都大感不捨!

未有結婚計劃

吉澤明步今年5月時到訪台灣,當時佢接受訪問否認有引退想法,表示:「暫時還沒有結婚的計劃,希望可以繼續磨練自己,長久的發展下去。」另外又稱「還是有接受歌唱訓練,有機會希望能再推出新歌。」可能嚟緊會喺更多不同平台見到佢?

水着偶像出身 作品超過300部

1984年3月3日出生的吉澤明步,早在2001年時以水着偶像加入藝能界,2003年轉型為AV女優,憑甜美外表及驕人身材征服萬千男士,保守估計作品超過300部。

羨慕蒼井空結婚擇偶條件係……

吉澤明步15年AV生涯中一直都係單身,佢曾表示好羨慕蒼井空可以結婚,搵到真命天子組職家庭。而吉澤明步又稱自己的擇偶條件相當簡單,最重要係體力好,樣貌都係其次!唔通要有足夠體力應付……

「暗黑Stephy」深入民心

香港人對吉澤明步特別有親切感,好大程度係因為佢多年來被指與藝人鄧麗欣(Stephy)撞樣,更封佢為「暗黑Stephy」!網民經常將二人之樣貌、身材作比較,但諷刺的是絕大部分人都認為吉澤明步比Stephy更勝一籌。早年吉澤明步接受訪問時,曾表示對自己被指似Stephy一事感到高興,更說希望有機會聽對方唱歌,不過可能因為佢唔清楚Stephy嘅唱功…

吳若希 VS 羽田愛

歌手吳若希早年出道時,就被指與日本AV女優羽田愛撞樣,所以網民幫佢改咗個花名做「羽田若希」!2014年時羽田愛宣布引退,吳若希仲喺FB post咗張羽田愛「引退作」的圖片,幽自己一默話自己冇引退,叫大家放心~

泳衣照比較

森美重提吳若希似日本女星

之前《森美旅行團2》其中一集,眾人掃完海鮮就喺外面開餐,吳若希同麥美恩繼續講緊頭先點點講價,又話因為靚女先咁抵乜乜乜。呢個時候森美恍然大悟咁,指住吳若希講:「我記得啦!佢好似日本一個明星㗎! 」

森美當然就係講羽田愛啦,節目仲為大家提供對比圖,望望啲眼耳口鼻係咪咁似先!

丁子朗紅都面晒

馮盈盈 VS桃谷繪里香

港姐冠軍馮盈盈經精喺大台節目《後生仔傾吓偈》大爆出位言論,曾經有一集眾人討論AV,盈盈就話覺得蒼井空好吸引,並以老師專稱蒼井空,語氣非常敬佩,話唔定盈盈都係蒼井老師嘅「學生」,跟老師學習過!

馮盈盈「性博士」上身

重點係盈盈仲自認似AV女優桃谷繪里香,當陸浩明話唔識時,佢仲大聲叫對方上網搵吓!

Rose Ma VS明日花綺羅

模特兒Rosa Ma(馬俊怡) 擁有34D豐滿上圍,出席活動時例必狂騷火辣身材,近年大受宅男歡迎,今年書展仲出埋寫真!不過更多人討論的是,Rose Ma同日本神級女優明日花綺羅好鬼似樣,網民仲封Rose Ma為「暗黑明日花」!

早前明日花來港同Rose Ma合作拍廣告,片中「兩姊妹」齊齊白色tube top上陣,狂騷事業線,睇到大家鼻血狂流!Rose Ma就謙稱身材唔及明日花,又大讚對方五官精緻好靚女。

蔡思貝 VS希島愛理

大台藝人蔡思貝近排被唔少網友讚靚咗好多,演技又進步咗,雖然暫時無劇出街!不過呢位叫希島愛理的日本女優,同樣束中長髮型,水汪汪的大眼睛加上微翹雙唇,望落同蔡思貝真係好相似!而且小編有理由相信,佢演技應該比蔡思貝好!

作為一個AV女優,希島身材唔算非常出眾,不過身形均勻、皮膚白皙,走鄰家女孩路線應該相當不錯。望得愈耐,就愈來愈分唔清佢同蔡思貝……

謝安琪 VS 友田彩也香

歌手謝安琪除了歌藝精湛,仲係出晒名的索人妻,依家生咗兩個小朋友都一樣不減風采!而30歲女優友田彩也香素有「AV謝安琪」的稱號,佢早年曾到港拍攝電影《三條友飲醉走》,跟主角陳家樂有不少對手戲。當時友田本人表示曾看過阿Kay的照片,不過就認為阿Kay比自己漂亮所以覺得自己跟對方不相似,夠晒大方得體!

林志玲 VS 波多野結衣

台灣第一名模林志玲相信不用多介紹,有「暗黑林志玲」稱號的波多野結衣更是更是日本神級女優,兩人樣貌、身材都係女神級!林志玲早年曾到日本與木村拓哉合作拍攝劇集《月之戀人》,可惜收視仆直,所以在日本的人氣自然大大不及波多野結衣啦!

陳婉衡 VS Julia

31歲女優「京香」Julia擁有J Cup超誇張身材,在成人動作片界人氣極高,甚至於亞洲各地都有甚高知名度,為現時最具代表性的女優之一。不過香港代表亦唔輸蝕,TVB「乳神」陳婉衡都有36E逼爆上圍,兩人樣貌、氣質都十分相似,大家鍾意日本妹定港女?

胡杏兒 VS 蒼井空

索媽胡杏兒和「屬於世界的」女優蒼井空,呢一對亦是公認的相似,杏兒曾在賀歲片中假扮蒼井空便可見一斑。蒼井空退出AV界後轉往演藝圈發展,曾參演多部電視劇及電影,人氣不比以前低!早年蒼井空接受訪問時,都認同杏兒撞樣:「我覺得嘴同下巴最似。」

杏兒及蒼井空都已成人妻,杏兒仲有個可愛兒子Brendan,得意萌樣甚得網民喜愛,成為新一代人氣星二代!

Angelababy VS Rio

Angelababy同AV女優Rio(柚木蒂娜) 同為混血兒,所以兩人同樣擁有深邃輪廓、精靈大眼睛,更有一段時間大家都係一頭金長髮,所以真係孖生姊妹咁!最巧合係兩位女神都被指「變靚」咗,以前同依家樣貌好似有啲唔同,果真「女大18變」!

關鍵詞
女優撞樣