美麗戰場｜陳瀅演技惹劣評 一個表情玩晒 瞪大對眼令人發惡夢

被Cap圖全劇得一個樣

今個星期的劇情講述陳瀅飾演的女主角「鍾家寶」於20多年前身世坎坷的慘痛經歷，雖然未正式「黑化」，但卻已經「辣㷫」不少觀眾，本地網民直指「陳瀅啲戲好唔掂」、「陳瀅扮後生把聲好辛苦」、「個角色D情緒係想點嫁？？」更不留情面話：「高八度顯得弱智會後生啲」。但原來唔止本地網民一面倒喪鬧，更連內地網民都唔畀面，更表示「瞪眼瞪到我睡覺都做噩夢，好得人驚！」

被封「陶大宇二世」

陶大宇以前在TVB劇集《心花放》中，每集都要掩面然後大叫一聲「啊」，當年被網友封為「超煩演技」，有網友表示，陳瀅每集的「瞪眼」樣應該同樣可以問鼎該「寶座」可稱呼她做「陶大宇二世」。

陳瀅「獎門人」現金魚嘴

逢周日晚於TVB播放的綜藝節目《開心無敵獎門人》，10月9 日晚播出一集嘉賓請到台慶劇《美麗戰場》的一眾演員，分別有 「美麗隊」陳山聰、陳瀅、陳曉華、何依婷、關嘉敏和葉蒨文等，另一隊「戰場隊」則有林盛斌（Bob）、蔣家旻、劉佩玥、朱晨麗、曾淑雅（Jumbo）等。昨晚陳瀅更在「開心無敵啜乒乓」中落力「啜」，金魚嘴再現江湖！

葉念琛欽點32歲陳瀅做「阿寶」

《美麗戰場》由導演葉念琛執導，例必有「阿寶」做女主角。而《美麗戰場》開鏡當日，葉念琛、曾志偉與一眾演員見傳媒時，葉導當時已親自欽點要32歲陳瀅擔正做「阿寶」。陳瀅透露自己要演20個阿寶，由16歲演到36歲，難度在於捉摸說話的態度，而且葉導叫佢要減肥，可能劇中會有泳裝鏡頭晒身材。不過有網民就覺得，陳瀅唔襯阿寶，留言說：「佢好師奶喎，要減減啦！」、「點解要揀佢做女主角呀？肉騰騰」、「以前靚啲，依家走晒樣」，等等。

原來係當日就決定！