OG2

原來眼距反映性格!內文附面相分析 必睇2種開眼頭手術比較

一個人靚唔靚眼神非常重要,由日本傳來嘅「美人眼黃金比例」,指出完美嘅眼距應該只有「一隻眼」,意思係眼與眼之間啱啱好放得落一隻眼。咁天生眼距比較寬嘅女士可以點做?「開眼頭手術」無疑係佢哋嘅另一選擇,不過面相學嚟講,眼距更加可以反映性格、為人處事態度,改變眼距之前了解吓,可能你會改變主意!
撰文:CM Team |圖片:網上圖片


眼距闊=記憶力強 不拘小節

如果眼與眼之間可以放得落一隻眼有餘,代表係闊眼距。好多畫家都擁有闊眼距,呢種人對影像「過目不忘」,記性好好。性格方面溫和敦厚,唔會斤斤計較。鍾意經常同朋友一齊吃喝玩樂,係義氣仔女。不過眼距太闊嘅話,就會有啲怕事而且容易信人,一涉及利益衝突嘅時候,好容易被人視為「水魚」。

眼距闊明星代表:姚子羚

眼距窄=解難力強 警覺性強

Image result for 迪熱麗巴
眼距窄明星代表:迪熱麗巴

眼距比較窄嘅女士,做事好有耐性,可以將麻煩問題處理得好好,通常喺職場上擔當領導角色。不過思想保守,唔容易相信人,所以社交圈或者真心知己唔多,感情方面係一個強勢女,既可以睇穿「男人心」,又唔容易俾人呃。

2種開眼頭手術比較
其實眼距過闊係亞洲人嘅血統影響,因為天生眉骨比較平而且大部人有「蒙古褶」,呢種眼褶會覆蓋內側眼角,令眼睇落又細又狹長,開眼頭手術可以令眼頭擁有理想鉤狀,以及改善眼距過闊嘅問題。

韓式無痕開眼頭

手術時,醫生會沿住眼角內部調整,由內部切走多餘嘅皮膚,將「蒙古褶」遮住嘅眼角重見天日。手術過程大概30分鐘,7天後可以拆線。

  • 優點:疤痕唔明顯
  • 缺點:眼距太寬嘅人可能效果唔明顯

W式外開眼頭

手術過程時,醫生會由眼角外部開刀,將眼角擴大以及塑造成理想線條。手術過程大概30分鐘,7天後可以拆線。

  • 優點:眼皮超厚更有效果
  • 缺點:手術後最初疤痕明顯

適合開眼頭人士
贅皮嚴重

一般單眼皮或者內雙都會出現呢個情況。

眼角過圓

眼角過圓唔單止睇落似狗仔,仲有機會影響視力,做開眼頭手術可以有效改善。

間距過寬

開眼頭後,雙眼之間距離會被縮短,有大眼效果。

改善雙眼皮

做開眼頭手術,除咗可以令眼頭更修長,仲可以令雙眼皮睇落加長咗。

「眼距秘密」
相學嚟講,眼距除咗可以反映性格,更可以反映乳房嘅距離。只要睇對方對眼,大概就可以估計對方乳房距離。不過可唔可信大家就自己證實喇!