埃及旅行玩漢娜紋身出事!26歲澳洲女過敏爛手生巨泡險截肢
提起早幾年一度大熱嘅「漢娜紋身」(Henna Tattoo),相信大家都唔會覺得陌生,更有人自己買過嚟玩。最近有位26歲澳洲女士,因為去埃及旅行玩「漢娜紋身」而出事,差啲仲要截肢保命,點解無創嘅「漢娜紋身」都可以咁得人驚?
撰文:CM Team| 圖片來源:網上圖片
撰文:CM Team| 圖片來源:網上圖片

細菌感染 出水泡、麻痹無知覺
由英國《每日郵報》報導得知,呢位事主名叫Brooke Crannaford,早前去埃及期間,試玩當地流行嘅「漢娜紋身」,大概洗咗約$27港紙喺左手手指、手背以及前臂位置上畫彩繪。點知幾個鐘後,有彩繪嘅位置開始覺得好痕。

Brooke Crannaford聲稱:「畫完之後幾個鐘已經覺得非常痕,持續一日之後情況更愈嚟愈差。」
之後更生出水泡,最後麻痹無晒知覺,經醫生檢查後發現,皮膚2-3級燒傷以及組織發炎,最後用咗1個月時間先至好返。
染料含腐蝕物
傳統嘅「漢娜紋身」利用「指甲花」(由一種植物據煉出嚟),本來係純天然嘅。不過天然嘅「漢娜紋身」多數係啡紅色,近年興起嘅黑色漢娜紋身,相比起嚟更時尚,所以好多人都會揀黑色漢娜紋身,不過當中會加入染髮劑成分苯二胺(PPD),對皮膚帶有刺激性,如果喺調配過程入面出錯,苯二胺含量多過2.5%以上嘅話,好大機會有接觸性過敏反應,情況嚴重更有可能要截肢或死亡。
患蜂窩性組織炎
經醫生檢查後,Brooke Crannaford確診患上第3期蜂窩性組織炎,懷疑係因為漢娜色劑太過刺激性,先燒傷皮膚,然後細菌再經傷口進入身體,炎症嚴重程度幾乎需要截肢先保住條命。好在Brooke Crannaford接受醫生「每天清洗傷口」建議,經過3個星期嘅治療終於傳傷口好返,真係執翻身彩。