補鈣

女人要補鈣 5種高鈣食物你要知

Channel May

廣告

隨著年齡嘅增長,人體對鈣質吸收能力會逐漸下降,特別係女性體內雌激素水平下降,比男性更快加速骨質流失。一旦身體缺鈣,就會出現腸道不適、色斑痤瘡、四肢無力、牙齒鬆動等症狀。所以女人補鈣比男人更重要!除咗飲牛奶可以預防骨質疏鬆,仲有咩食物可以吸收鈣質呢?!

撰文:CM Team |圖片:網上圖片
補鈣唔一定要飲奶
坊間成日聽到想預防骨質疏鬆,就要飲多啲牛奶補補鈣,但係唔通日日飲奶?飲到悶可以食咩呢?其實好多外國研究指出,唔一定要飲奶先補到鈣㗎,坊間好多食物什至比牛奶含有更多豐富鈣質,而且食唔同嘅食物可以吸收其他微量營養素,比淨係似牛奶更健康!

高鈣食物推介

奇亞籽
Do姐曾經喺網上表示奇亞籽是她的最愛食物!好多人都視奇亞籽為減肥食物,原來補鈣都一樣得~奇亞籽含有豐富礦物質,而且含有的鈣質是牛奶的五倍,每100克已經含有631毫克,而且更含有完整蛋白質,素食者可以食吃奇亞籽來補充所需營養。同時奇亞籽亦能有助降低膽固醇、減低炎症。食用又方便,直接加入任何食物和飲品就得,難怪被稱為「超級食物」啦!

芝麻
黑芝麻其實營養價值好高,唔單只可以降低膽固醇同血壓功效令心臟健康,仲可以補鈣添,以每100克黑芝麻計算,鈣含量含有975毫克,遠遠超過牛奶的鈣含量呀~加上黑芝麻當中含有天然維生素、油脂和不飽和脂肪酸等帶有抗氧化功效,女人真係要食多啲!

豆腐
豆腐好多人都鐘意食,亦都喺減肥人士食譜中常見食物。要補鈣既你注意喇,硬豆腐比軟豆腐的鈣質含量高,以每100克計算,鈣含量含有320毫克,因為傳統豆腐係加食用石膏製成,所以鈣質含量會比較高,補鈣記得要揀硬豆腐呀!

杏仁
早前外國有研究指出,人體嘅膽固醇可以分為好膽固醇同壞膽固醇,而杏仁就有助降低壞膽固醇,同時增加身體好膽固醇,以每100克杏仁計算,鈣含量含有264毫克,口痕可以用杏仁代替零食喇!

無花果
多款水果入面係無花果含鈣量最豐富,以4個新鮮嘅無花果計算,就已經含有506毫克鈣質。留意新鮮水果同乾果嘅含鈣量會有分別,每100克無花果乾(大約4-5個)約有162毫克鈣,所以都係食新鮮嘅好。除此之外,無花果仲含有鐵、鉀、膳食纖維,且抗氧化能力高,對身體好好㗎!