OG2

有效刺激肌膚再生 一招拜拜暗瘡凹凸洞

有毛孔粗大問題已經夠煩,再加埋凹凸洞/疤痕或細紋嘅面,望上去成個人老咗10年!其實有邊個會想出暗瘡,又有邊個唔想皮膚白滑,可以嘅話,真係想一條毛都見唔到~
撰文:Ruby|圖片:網上圖片、Instagram

凹凸洞都有分種類㗎~
凹凸洞同暗瘡都有分種類㗎~

以前如果我哋想整走啲凹凸洞/疤痕或細紋,又話要磨皮,又話要去做果酸,聽到都覺得激,肌膚不停咁被刺激法,無問題都變有事啦~

不過好彩~而家呢類醫美問題都算常見,係呢個日新月異嘅世界,已經創出咗好多比以前較有效、又安全嘅解決護理方法,例如微針射頻(MNRF),呢種係一個結合咗「微針」同「射頻」(RF)原理及好處嘅收毛孔療程,不單止可以有效解決粗大毛孔問題,聲稱就連豆皮、凹凸洞都可以解決到~

於療程前需先清潔面部,需局部麻醉30分鐘至1小時後才可進行療程,微針會自動滲入皮膚,透過微針嘅機械穿透,於表皮與真皮中產生微小孔,打開皮膚快捷吸收嘅微細管道,然後再由射頻波穿透表皮基底黑色素細胞嘅屏障,令真皮層膠原纖維可以透過熱能刺激底層收縮,令膠原再生,以撐起鬆弛及下陷肌膚。記得於療程後使用抗生素與防曬霜,而治療可以在4-12週內進行一次,總共3-5次,以改善肌膚問題。


微針射頻可以令肌膚變得更加健康有彈性,而且聲稱能改善疤痕高達50%以上,同時增強護膚品吸收達40倍以上,而深層凹凸洞視乎情況需要,大多數約3-6次就可以改善,肌膚變得平滑動人再近睇都搵唔到毛孔啦。

除咗擊走凹凸洞之外,仲可以幫助去除皺紋,修復或去除疤痕,刺激肌膚再生,改善皮膚狀況~~雖然聽落好似好多功效咁,但都係果句,做任何療程都要搵專業可靠,甚至有認證執照的治療師或醫生問清楚喔。另外,進行美容注射時,都要了解多d安全及風險呀。

關鍵詞
暗瘡