OG2

生疣都有分種類!5款藥膳食療告別面上扁平疣

香港人生活壓力大,低抵抗力嘅體質,最容易被「疣」纏身。雖然「疣」相比起濕疹無咁大困擾,但令皮膚長滿類似「油脂粒」嘅增生圓點,都會影響到外觀。就算去美容院打激光都未必可以「斷尾」,到底「疣」點解會出現?
撰文:CM Team| 圖片來源:pinterest

「疣」由HPV引起
「疣」屬於皮膚病,因為皮膚受到人類乳突病毒(HPV)感染而引起,呢種病毒會入侵皮膚表層,增生出一粒粒粗糙又凸起嘅圓點,患者一般唔會有咩明顯病徵,唔痕亦都唔痛,而HPV病毒超過100種,唔同類型嘅HPV都會引起唔同種類嘅「疣」。
4種常見「疣」:
1.尋常疣
由HPV1、2、3、4、7、27、28、29引起,多數出現係手腳皮膚上,尋常疣最初好似針一樣咁細,然後會慢慢變成豌豆咁大粒,表皮角化明顯,摸起嚟硬身,尋常疣一般顏色呈黃色或者啡色。

2.扁平疣
呢種疣外形扁平而且細細粒,睇起嚟肉色或者呈粉紅色,最常出現喺面上,經常捱夜、熱氣嘅人最容易感染扁平疣。

3.手掌或足底疣
外形似雞眼,摸起嚟角質好厚,而且生得好深,通常出現喺腳板、腳趾罅。

4.性器疣
即係經常聽到嘅「椰菜花」,高傳染性,HPV病毒會令性器官上生出菜花狀肉芽,嚴重會致癌。

 


究竟疣有什麼治療方法呢?

要消除生喺面上嘅扁平疣,可以去醫美診所請註冊醫生治理,方法分為「冷凍法」同埋「二氧化碳激光」兩種,前者利用液態氮凍死疣,消除角化皮膚組織;而後者就係利用機器發出熱力或激光,從而切除「疣」。療程會留有傷口,大概3-5日就會康復。

現在最常用、最普遍係由醫生進行二氧化碳激光 CO2 laser,利用波長10600nm 把疣組織除去,特別適用於面部位置嘅疣,只需1-2次治療便可。

另外方法仲有:
-刮除術:利用手術刀片把疣嘅組織逐層刮去
-冷凍治療:以低溫氮氣使其組織壞死,繼而脫落,適合治療手、腳及及面積較大的疣。
-外塗藥物:利用極酸性(A酸或水楊酸)藥膏,慢慢將凸起嘅疣移平,治療次數較多,效果亦較慢,不一定理想,一般治療幾個月後,扁平疣有機會復發。
除咗做醫美治療,「疣」之所以難「斷尾」,因為病毒仲潛伏喺皮膚入面,要防止復發就要由食療入手,以下5款食療就可以幫你固本培元。

#薏米粥

生薏米 50g
白糖 少量
將生薏米洗乾淨,加入適量水,大火煮滾後再用細火煮成粥,加少少白糖調味。
每日空肚食1次,10次為1個療程,共2個療程。

 
#薏米綠豆粥


熟薏米 30g
綠豆 30g
白糖 少量
將熟薏米同綠豆各自洗乾淨,加入適量水,大火煮滾後再用細火煮成粥,加少少白糖調味。
朝早空肚食1次,15次為1個療程,共1個療程。

 
#涼拌蒲公英

新鮮蒲公英 300g
首先將蒲公英洗乾淨,拖一拖水,加入麻油、鹽調味,放雪櫃1-2個鐘。
每日食1次

 
#香附雞蛋
香附200g
雞蛋1隻
將香附磨粉分成15份,打發雞蛋後加入1份香附,用花生油燒紅熱鍋,煎熟雞蛋再點白醋食。
每日食1次,連續食15日為1個療程。