2

醫美新科技! 唔捱刀改變骨頭形狀

依家要改變鼻形或耳形重塑,唔開刀都要打入填充劑,唔通真係no pain no gain?但美國洛杉磯Occidental College有研究員將會造福大家,令整容變得輕巧、快捷同便利。新技術號稱「份子手術」,利用電流通過軟骨,代替動刀,然後用3D打印模型將軟骨重塑成理想形狀。

撰文:Iris|圖片:網上圖片

依家要改變鼻形或耳形重塑,唔開刀都要打入填充劑,唔通真係no pain no gain?但美國洛杉磯Occidental College有研究員將會造福大家,令整容變得輕巧、快捷同便利。新技術號稱「份子手術」,利用電流通過軟骨,代替動刀,然後用3D打印模型將軟骨重塑成理想形狀。
負責嘅研究員Michael Hill話,不久將來,「呢種低成本整容方法喺診所就會做到,整個過程只需要5分鐘咗右。」背後嘅原理係,軟骨係由帶負電荷嘅蛋白同帶正電荷嘅鈉離子組成,當電流通過,軟骨裡面嘅水份子會被分解成氧同氫離子。當負電荷蛋白被正電荷抵銷,密度就會下降,可以令佢變形。

目前顯示的是「collage_scarlett Johansson.jpg」
Scarlett Johansson就疑似動過刀。
電流又比laser好,因為laser成本高,又要殺死啲細胞先能夠令軟骨變形。相反,電流好好多,唔殺細胞,軟骨都可以變得鬆軟,又唔會產生熱力。
目前呢項技術已通過兔仔耳測試,有電流通過時兔仔耳可變形,不過會彈返轉頭。如果用3D打印模型套住佢,關掉電流,形狀就會固定。
科學家相信呢項技術唔單止可以用喺鼻同耳整形,仲可以修復硬化關節、改變視網膜形狀從而改善視力,但由搵到醫療設備公司合作到真係可以用嚟幫人整容,仲要等多幾年時間。