怕整容變毀容?下巴變靚啲原來還有這些方法

Channel May

廣告

面尖尖當然係人都想要~但原來想整個「靚靚下巴仔」,隨時有毀容風險!當年邵音音就因為貪靚,想塊面睇落尖啲,就叫醫生幫佢打針,但後來音音姐又怕有副作用而做移除手術,點知手術失敗,反而令下巴生滿肉芽,搞到變晒形,加上之後遇到意外仆爛半邊面,整容慘變毀容。想要靚靚下巴,其實都有好多方法~

 

撰文:CM Team|圖片:網上圖片

音音姐所做的就是以注射墊下巴,打咗啲矽入下巴,但之後為拍有副作用,就找醫生將注射物拿出,點知手術失敗,令下巴生滿肉芽,最後更導致下巴變型。早年音音姐接受傳媒訪感時,更忠告想整容嘅朋友:「 勸大家要三思,始終有風險,九十九個靚,有一個唔靚,咪我囉!」

假體墊下巴

隨着科技發達,下巴變靚啲的方法愈來愈多,其中最原始的方法就是假體墊下巴,於嘴內嘴唇下方開刀,再放入人造骨造成的下巴作調整,手術屬永久性,相對風險較大,亦較難去作出修正。

透明質酸墊下巴

為下巴注射透明質酸,是目前最多人選擇嘅整下巴方式。其實液體嘅透明質酸就有如液體泥膠,注射後再用手去按出想要嘅輪廓,面部其他部位如鼻樑、蘋果肌等,都可以用透明質酸作填充。

透明質酸會於注射後的4-6個月被身體代謝走,雖然效果相對自然,但並非永久,而無法被分解嘅物質,可利用降解酶將透明質酸水解。有唔少女星都會選擇用呢個方法去將下巴變靚啲,貪其風險比墊假體低,亦較自然。

微晶瓷墊下巴

除咗透明質酸外,亦有人會選擇微晶瓷作注入,同玻尿酸不同,微晶瓷不能被人體吸收,質地會比透明質酸硬,支撐力相對較強,但也較難移除。目前並沒有如同透明質酸一樣有降解酶能處理無法被吸收的微晶瓷或晶亮瓷。

自體脂肪填充

另外還有一個做法,就是自體脂肪移植,對於臉部如面頰、鼻頭等部位是不錯嘅手術方式,自然又長效。但自體脂肪組織,畢竟還是脂肪,對於下巴需要骨感、線條嘅區域,注射自體脂肪的話,一不小心就會令下巴脂肪感、肉感越多,看起來變成雙下巴,得不償失。

切骨瘦下巴

最後亦是最高風險嘅方法,將自身下巴嘅骨頭稍為切割成心儀形狀,同一般放入假體或注射等方法相反,手術是將骨頭移走,亦等於是「減法」形式,能讓下巴突顯出來。

選擇做呢種截骨手術讓下巴變尖嘅女士,大部分都屬於方臉,下巴較大較闊,需要動手術去將下巴兩側較闊嘅骨切走。不過這種手術屬骨頭嘅手術範疇,必須要由醫院動刀。

以上幾種近年最常見的整下巴方法,手法不同,完成後效果亦略有不同。都係果句,以上內容只作參考,做任何療程都要搵專業可靠,甚至有認證執照的治療師或醫生問清楚喔。另外,進行美容注射時,都要了解多d安全及風險呀。