打針瘦面一定得？ 拆解：唔係人人都適合

佢屬於毒素之一，雖然作為美容用途嘅劑量，一般低於一個人可承受嘅安全劑量，但注射份量同位置必須要小心，否則就會適得其反，出現中毒現象甚至會有生命危險。

其實一開始肉毒桿菌毒素只係用喺醫學用途上，主要用嚟醫治一啲唔可以自我控制嘅肌肉抽蓄，後來發展到用喺醫學美容上，用嚟改善皺紋同面型問題。
1.係唔係一針KO「包包面」
首先你要知道你嘅「包包面」成因係乜嘢。
肉毒桿菌毒素只係可以短暫癱瘓面部咀嚼肌嘅活動神經線，從而減少肌肉嘅活動能力令佢慢慢萎縮，比較適用喺因咀嚼肌肥大引起嘅「包包面」，如果係屬於脂肪型或者下顎骨寬大就未必咁有效啦～

 
2.會唔會令人上癮變「膠面」
肉毒桿菌毒素只係短暫癱瘓面部咀嚼肌嘅活動神經線，所以並唔係一次就夠可以解決嘅療程。一般嚟講效果可以維持10星期至幾個月不等。如果有食香口膠、磨牙、經常食肉…呢啲習慣嘅人就會更快需要補打但亦唔可以打太密，2針之間應該至少隔3-4個月。打得太密或者份量太多嘅時候，就會出現面部肌肉僵硬唔自然，即係我哋俗稱嘅「膠面」。
3.有咩人唔打得
有呼吸困難人士、患重肌無力症人士、孕婦、哺乳中嘅女性、注射前做過手術、注射位置有發炎等…帶以上問題嘅人都唔適合注射肉毒桿菌毒素。

以上內容只作參考，如有任何疑問應先向註冊醫生及專業人士咨詢。所有醫美療程都有一定風險，療程前應先向註冊醫生了解清楚，以尋找適合自己的方案。